La xunta estraordinaria de l\u2019Academia de la Llingua Asturiana (ALLA) propunxo, el mi\u00e9rcoles d\u00eda 8, la entrada de tres nuevos acad\u00e9micos. Como miembros de n\u00famberu, Ruth Gonz\u00e1lez Rodr\u00edguez y Alberto Fern\u00e1ndez Costales; y, como miembru correspondiente, Paquita Su\u00e1rez Coalla.<\/p>\n
D\u2019alcuerdu colos estatutos de l\u2019ALLA, les tres persones propuestes habr\u00e1n aceutar la so nueva condici\u00f3n acad\u00e9mica y, como ye vezu y obligaci\u00f3n, recoyela p\u00fablicamente dientro de la sesi\u00f3n estraordinaria enmarcada nel XLVI D\u00eda de les Lletres Asturianes, que va celebrase\u2019l vienres 9 de mayu nel Teatru Campoamor d\u2019Uvi\u00e9u.<\/p>\n
Ruth Gonz\u00e1lez Rodr\u00edguez<\/strong> ye profesora del cursu de capacitaci\u00f3n docente d\u2019eonaviegu, onde tien impart\u00edo les materies de lliteratura, sociolling\u00fc\u00edstica y sistema lling\u00fc\u00edsticu. Tami\u00e9n ye profesora de secundaria de Llingua Castellana y Lliteratura. Fil\u00f3loga especializada en lling\u00fc\u00edstica xeneral, particip\u00f3 activamente nel proyeutu AMPER-Astur, centr\u00e1u nel estudiu entonativu y pros\u00f3dicu del asturianu y l’eonaviegu. Dientro de la so producci\u00f3n tami\u00e9n topamos otros estudios de calter sociolling\u00fc\u00edsticu, sint\u00e1uticu o did\u00e1uticu. Nos \u00faltimos a\u00f1os particip\u00f3 na adautaci\u00f3n de los niveles de competencia nel usu de la llingua asturiana al casu del eonaviegu y na comisi\u00f3n que ta ellaborando\u2019l diccionariu normativu d\u2019eonaviegu. A too ello hai qu\u2019amestar dalgunes collaboraciones en revistes como Lliteratura<\/em>, onde vien desendolcando\u2019l llabor de rese\u00f1ar l\u2019activid\u00e1 lliteraria n\u2019eonaviegu. Activista pola normalizaci\u00f3n de la llingua del estremu occidental dende va d\u00e9cades, na actualid\u00e1 participa nel coleutivu Agayo Eonaviego.<\/p>\n Alberto Fern\u00e1ndez Costales<\/strong> ye caderalgu de Did\u00e1utica de la Llingua y la Lliteratura na Universid\u00e1 d’Uvi\u00e9u. La so investigaci\u00f3n y la so docencia c\u00e9ntrense na educaci\u00f3n billing\u00fce y na formaci\u00f3n did\u00e1utica pal profesor\u00e1u de lling\u00fces en Primaria y Secundaria. Nello emplega especial atenci\u00f3n a la dimensi\u00f3n afeutiva, la revitalizaci\u00f3n de les lling\u00fces minoritaries, la metodolox\u00eda nel aula y l\u2019usu de la teunolox\u00eda como sofitu pedag\u00f3xicu. La so producci\u00f3n cient\u00edfica incl\u00fai m\u00e1s de 60 art\u00edculos en revistes internacionales y 80 cap\u00edtulos de llibru n\u2019editoriales de prestixu. Ye miembru de dellos comit\u00e9s cient\u00edficos y asesor del Centru d\u2019Estudios sobre l’Impautu Social de la Intelixencia Artificial (CEISIA) y la C\u00e1tedra Concepci\u00f3n Arenal de l’Axenda 2030. Dende 2019, ye acad\u00e9micu correspondiente de l\u2019ALLA, collaborando na \u00faltima d\u00e9cada na Universid\u00e1 Asturiana de Branu, na revisi\u00f3n de trabayos cient\u00edficos y n\u2019otres actividaes y xeres de la instituci\u00f3n.<\/p>\n