El mi\u00e9rcoles viniente, 21 d\u2019ochobre, a les 19:30 h, l\u2019Academia de la Llingua Asturiana organiza nel so llar social la quinta sesi\u00f3n de \u00abAlcuentros na ALLA\u00bb cola participaci\u00f3n de Roberto Gonz\u00e1lez-Quevedo. Mesmo que n\u2019otres ocasiones, l\u2019acad\u00e9micu va ufrir al alderique les sos reflexones, an\u00e1lisis y vivencies en rellaci\u00f3n cola so xera na Academia. Depu\u00e9s d\u2019una presentaci\u00f3n dialogada xunto con Inaciu Gal\u00e1n y d\u2019alcuerdu col oxetivu de los alcuentros, el p\u00fablicu podr\u00e1 dirixir la esposici\u00f3n pente medies d\u2019entrugues o comentarios concretos.<\/p>\n
Roberto Gonz\u00e1lez-Quevedo Gonz\u00e1lez (Palacios del Sil, 1953) ye antrop\u00f3logu, fil\u00f3sofu, escritor y doctor n\u2019Antropolox\u00eda Cultural pola Universid\u00e1 Aut\u00f3noma de Madrid y en Filolox\u00eda Hisp\u00e1nica pola Universid\u00e1 d\u2019Uvi\u00e9u. Como acad\u00e9micu de n\u00famberu de l\u2019ALLA, dende la so entrada na instituci\u00f3n en 1981 dedica una parte fundamental de la so trayeutoria al estudiu y defensa de la cultura y la llingua asturianes. Esti llabor tien una de les sos espresiones principales na direici\u00f3n de Cultures. Revista Asturiana de Cultura, un espaciu d\u2019estudiu antropol\u00f3xicu y etnogr\u00e1ficu qu\u2019amiesta l\u2019atenci\u00f3n a la realid\u00e1 asturiana cola apertura a otres cultures.<\/p>\n
La so proyeici\u00f3n internacional axunta la promoci\u00f3n de los estudios sobre Asturies cola defensa de la diversid\u00e1 lling\u00fc\u00edstica y cultural europea. Angua\u00f1o ye presidente de l\u2019Asociaci\u00f3n pa les Lling\u00fces y Cultures Europees Amenazaes (ALCEM) y presidi\u00f3 tami\u00e9n el comit\u00e9 entamador del Congresu Mundial de Cultura Asturiana (CMCA) del 2025.<\/p>\n
Con esta participaci\u00f3n, los \u00abAlcuentros na ALLA\u00bb siguen col llabor d\u2019abrir l\u2019Academia a la comunid\u00e1, espardiendo y desplicando d\u2019una manera m\u00e1s espec\u00edfica y personal el llabor de la instituci\u00f3n y de los sos integrantes.<\/p>\n
L\u2019accesu ye llibre hasta completar l\u2019aforu de 30 persones.<\/p>\n","protected":false},"excerpt":{"rendered":"
La quinta sesi\u00f3n de los \u00abAlcuentros na ALLA\u00bb va cuntar col acad\u00e9micu Roberto Gonz\u00e1lez-Quevedo El mi\u00e9rcoles viniente, 21 d\u2019ochobre, a les 19:30 h, l\u2019Academia de la Llingua Asturiana organiza nel … <\/p>\n