El pas\u00e1u xueves, 7 d\u2019abril, l\u2019Academia de la Llingua Asturiana (ALLA) propunxo, mediante votaci\u00f3n en Xunta Estraordinaria, que D. Inaciu Gal\u00e1n y Gonz\u00e1lez, como miembru numberariu, y que D. Lisardo Lombard\u00eda Yenes, como miembru honor\u00edficu, algamen la condici\u00f3n d\u2019acad\u00e9micos.<\/p>\n
Inaciu Gal\u00e1n y Gonz\u00e1lez (Xix\u00f3n, 1986), doctor pola Universid\u00e1 d\u2019Uvi\u00e9u con una tesis sobre la llingua asturiana nel franquismu, ye, am\u00e1s de profesor d\u2019asturianu en secundaria, un periodista con gran dedicaci\u00f3n a la divulgaci\u00f3n cultural y lling\u00fc\u00edstica, con cuasi 20 a\u00f1os de trayeutoria en tou tipu de medios de comunicaci\u00f3n, nos que desendolc\u00f3 munchos papeles, dende la redaici\u00f3n y la presentaci\u00f3n a la direici\u00f3n. La so formaci\u00f3n acad\u00e9mica incl\u00fai am\u00e1s una diplomatura en turismu y un m\u00e1ster en xesti\u00f3n cultural, \u00e1mbitos dende los que tami\u00e9n tien produc\u00edo material d\u2019investigaci\u00f3n y normalizaci\u00f3n de calter lling\u00fc\u00edsticu. La so obra lliteraria, como autor y traductor, toca estremaos x\u00e9neros y camina al par de la so obra acad\u00e9mica, bayurosa y espardida en monograf\u00edes, vol\u00famenes coleutivos y n\u2019art\u00edculos de revistes cient\u00edfiques.<\/p>\n
Lisardo Lombard\u00eda Yenes (Llaviana, 1955), m\u00e9dicu de formaci\u00f3n y primer oficiu, desenvuelve, dende fai cuatro d\u00e9cades, una de les carreres m\u00e1s importantes nel \u00e1mbitu de la xesti\u00f3n cultural asturiana, llevando la dignificaci\u00f3n de la llingua como norte. Ye cofundador del coleutivu etnogr\u00e1ficu Belenos que, ente otres munches aiciones, edita la prestixosa revista Asturies, memoria encesa d\u2019un pa\u00eds. Al travi\u00e9s del sellu Fonoastur dio abellugu discogr\u00e1ficu a dalgunes de les carreres musicales m\u00e1s relevantes de la escena folc asturiana. Primero como deleg\u00e1u d\u2019Asturies y depu\u00e9s como direutor, el so papel nel Festival Interc\u00e9lticu de Lorient completa una figura que recibe les m\u00e1ximes distinciones: medaya de plata del Princip\u00e1u d\u2019Asturies en 2015 y \u201cChevalier de l\u2019Ordre des Arts et des Lettres\u201d de la Rep\u00fablica Francesa en 2021.<\/p>\n
L\u2019ALLA dar\u00e1 acoyida a los nuevos Acad\u00e9micos el vienres 6 de mayu, dientro del actu solemne del 43 D\u00eda de les Lletres Asturianes.
\n