![\"\"](\"https:\/\/alladixital.org\/\/wp-content\/uploads\/2014\/09\/T\u00edtulu_Prueba_Conocencia.jpg\")
<\/p>\r\n<\/p>\r\n
CONVOCATORIA DE XINERU<\/p>\r\n
L\u2019Academia de la Llingua Asturiana, sabiendo\u2019l fondu inter\u00e9s de munches persones de llograr que se reconoza la so conocencia de la llingua y manifestar asina\u2019l so fondu amor al idioma asturianu, fadr\u00e1 dos convocatories a\u00f1ales onde van poder evaluase diches conocencies. Nesi sen, da anuncia de les sos iniciatives pa conocimientu xeneral:<\/p>\r\n
1. Nos meses de xineru y mayu cel\u00e9brense les pruebes, abiertes a toles persones interesaes.<\/p>\r\n
2. Unos quince d\u00edes enantes de les pruebes va abrise un plazu de matr\u00edcula.<\/p>\r\n
3. A les persones declaraes aptes nes pruebes citaes, l\u2019Academia dar\u00e1-yos un documentu onde s\u2019afite la conocencia nel nivel 1 o b\u00e1sicu seg\u00fan calces sigu\u00edos por esta Instituci\u00f3n.<\/p>\r\n
4. Les persones que nun superen les pruebes del nivel 1 podr\u00e1n presentase a nueves convocatories toles vegaes que-yos pruya.<\/p>\r\n
5. La prueba va tener dos partes:<\/p>\r\n
a) Escrita: dict\u00e1u, exercicios gramaticales comprensi\u00f3n de testu y redaici\u00f3n.<\/p>\r\n
b) Falada: conversaci\u00f3n colos miembros del xur\u00e1u.<\/p>\r\n
6. Pal bon result\u00e1u d\u2019estes pruebes habr\u00e1 tenese un dominiu b\u00e1sicu de les estayes que vienen darr\u00e9u:<\/p>\r\n
a. ESTAYA LLING\u00dc\u00cdSTICA<\/p>\r\n
a1. Teor\u00eda gramatical: conocencia y dominiu del funcionamientu gramatical del asturianu y de la normativa acad\u00e9mica.<\/p>\r\n
a2. Pr\u00e1utica escrita: emplegu ama\u00f1osu de la llingua, puestu en pr\u00e1utica gracies a exercicios gramaticales y de composici\u00f3n escrita.<\/p>\r\n
a3. Pr\u00e1utica oral: emplegu fal\u00e1u de la llingua, nuna situaci\u00f3n real o imaxinaria, que se va valorar nuna conversaci\u00f3n colos miembros del xur\u00e1u calificador.<\/p>\r\n
b. ESTAYA DE LLINGUA Y SOCIED\u00c1
Conocencia del allugamientu de la llingua dientro de la socied\u00e1 asturiana asina como del procesu de normalizaci\u00f3n en que ta inxerta.<\/p>\r\n
Nota. Resulta imprescindible conocer les xeneralidaes gramaticales de la llingua asturiana y los aspeutos b\u00e1sicos de la so normativa ortogr\u00e1fica (Normes ortogr\u00e1fiques, ALLA, Uvi\u00e9u, 2012, 7\u00aa ed.; Gram\u00e1tica de la Llingua Asturiana, ALLA, Uvi\u00e9u, 2008, 3\u00aa ed. reimpresi\u00f3n).<\/p>\r\n
Asina mesmo, acons\u00e9yase la llectura de testos fechos acordies cola normativa, como los asoleyaos por esta Academia.<\/p>\r\n
En resultes d\u2019esto, el 25 de xineru de 2020 va facese la prueba semestral. El plazu de matr\u00edcula ye del 13 al 23 de xineru. Horariu de matr\u00edcula: llunes a xueves de 9:00 h. a 15:00 h. y de 16:00 h. a 19:00 h. Vienres de 9:00 h. a 14:00 h. Preciu: 20,00 \u20ac.<\/p>\r\n
FORMULARIU DE MATR\u00cdCULA<\/strong><\/a><\/p>\r\n\r\n\r\n <\/p>\r\n\r\n