{"id":4627,"date":"2018-01-18T12:57:45","date_gmt":"2018-01-18T11:57:45","guid":{"rendered":"https:\/\/alladixital.org\/respuesta-a-la-campana-escontra-la-co-oficialida-de-la-llingua-asturiana\/"},"modified":"2022-07-06T12:56:38","modified_gmt":"2022-07-06T10:56:38","slug":"respuesta-a-la-campana-escontra-la-co-oficialida-de-la-llingua-asturiana","status":"publish","type":"post","link":"https:\/\/alladixital.org\/en\/respuesta-a-la-campana-escontra-la-co-oficialida-de-la-llingua-asturiana\/","title":{"rendered":"Respuesta a la campa\u00f1a escontra la co-oficialid\u00e1 de la Llingua Asturiana"},"content":{"rendered":"

\u00a0<\/strong><\/p>\n

 <\/p>\n

L\u2019Academia de la Llingua Asturiana (ALLA) quier tresmitir, una vegada m\u00e1s, la so posici\u00f3n sobro esta cuesti\u00f3n y failo porque ye la so obligaci\u00f3n como instituci\u00f3n tutelar de los derechos lling\u00fc\u00edsticos de los asturianos y asturianes.<\/p>\n

<\/p>\n

Nesti sen constatamos, en primer llugar, l\u2019entamu d\u2019una verdadera campa\u00f1a escontra la llingua y cultura asturianes que xurde de sectores sociales marxinales y minoritarios, pero con una innegable incidencia nos medios. L\u2019orixe d\u2019esta estratexa d\u2019ataque al asturianu, seg\u00fan la opini\u00f3n de nueso, deriva de dos circunstancies, asoced\u00edes apocay\u00e1, y especialmente favoratibles pal futuru de la llingua asturiana: los resultaos del III Estudiu Sociolling\u00fc\u00edsticu d\u2019Asturies (presentaos a lo cabero del mes de xunetu de 2017) y les resoluciones del XXXII Congresu de la FSA-PSOE (de setiembre-ochobre de 2017).<\/p>\n

La s\u00edntesis argumental d\u2019esta campa\u00f1a anti-asturiana c\u00e9ntrase en plantegar que nun hai demanda social pa la oficialid\u00e1 de la llingua, qu\u2019esta ye un intentu d\u2019imposici\u00f3n antidemocr\u00e1ticu d\u2019una minor\u00eda o, en fin, que la puesta en pr\u00e1utica d\u2019esta figura xur\u00eddica ye inasumible econ\u00f3micamente (equ\u00ed ll\u00e9gase al paroxismu diciendo que\u2019l coste de la oficialid\u00e1 superar\u00eda a\u00f1almente los 70 millones d\u2019euros).<\/p>\n

Pues bien, l\u2019Academia de la Llingua Asturiana vese obligada a retrucar cola mayor enerx\u00eda y convicci\u00f3n tal estratexa d\u2019alarma social, darr\u00e9u que:<\/p>\n

    \n
  1. La demanda de la co-oficialid\u00e1 del asturianu ye<\/strong>, am\u00e1s de caltenida nel tiempu, ampliamente mayoritaria n\u2019Asturies.<\/strong> De fechu, nam\u00e1i un residual 18% de la nuesa poblaci\u00f3n s\u2019asitia en posiciones que refuguen dafechu l\u2019estatus oficial de la nuesa llingua.<\/li>\n
  2. Son los que cuestionen la oficialid\u00e1 de la llingua asturiana los que se ponen al marxe de la Constituci\u00f3n y non los que sofitamos esta opci\u00f3n<\/strong>, porque la soluci\u00f3n constitucional pa les lling\u00fces de les autonom\u00edes ye, xustamente, la co-oficialid\u00e1 reconocida al travi\u00e9s de los respeutivos estatutos (art. 3.2). Esto ye lo que se fexo, por cierto, siguiendo\u2019l m\u00e1nd\u00e1u constitucional, en Baleares, Catalu\u00f1a, Galicia, Navarra, Pa\u00eds Vascu, Valencia y hasta la Val d\u2019Aran.<\/li>\n
  3. La oficialid\u00e1 de la llingua asturiana<\/strong> (y del gallego-asturianu nel so \u00e1mbitu) nun implica, de neng\u00fan mou, la imposici\u00f3n del so emplegu, sin\u00f3n el derechu al so usu<\/strong> p\u2019aquelles persones que llibremente lo decidan. Ye risible y hasta \u2018grotesco\u2019, per otru llau, que daqui\u00e9n pueda camentar que tolos funcionarios d\u2019Asturies tendr\u00eden que conocer o usar l\u2019asturianu (m\u00e9dicos, xueces, economistes, arquiteutos, alministrativos, etc.) o que\u2019l conocimientu del asturianu tuviere que ser condici\u00f3n necesaria pal accesu a la funci\u00f3n p\u00fablica pal personal que nun tuviere qu\u2019actuar estrictamente na xesti\u00f3n de la oficialid\u00e1.<\/li>\n
  4. La llingua asturiana ye un patrimoniu cultural de tolos asturianos y asturianes, al marxe d\u2019ideolox\u00edes y d\u2019opciones partidistes.<\/strong> Nesti sen, los estudios sociolling\u00fc\u00edsticos dexen claro que la demanda d\u2019oficialid\u00e1 calti\u00e9nenla por igual persones votantes de tol espectru pol\u00edticu. Dicho con otres pallabres, la llingua y el sofitu a la so sobrevivencia nun ye nin de dereches nin d\u2019esquierdes, ye de toos y toes.<\/li>\n
  5. Ye falso que col marcu xur\u00eddicu actual se garanticen los derechos lling\u00fc\u00edsticos n\u2019Asturies,<\/strong> la llibert\u00e1 del so emplegu o la so dignificaci\u00f3n social: eh\u00ed t\u00e1n les ordenances d\u2019usu del asturianu nos conceyos anulaes xudicialmente, la discriminaci\u00f3n al profesor\u00e1u de llingua asturiana (que, teniendo la mesma titulaci\u00f3n universitaria que\u2019l restu, nun pue acceder al so mesmu estatus profesional), los pilancos pal emplegu comunicativu del asturianu nos medios de comunicaci\u00f3n p\u00fablica o, en fin, la enorme perda de recursos econ\u00f3micos de calter estatal xenerada pol fechu de la non oficialid\u00e1.<\/li>\n
  6. La oficialid\u00e1 de la llingua asturiana nun tien por qu\u00e9 replicar modelos sigu\u00edos n\u2019otres comunidaes, sin\u00f3n que tien qu\u2019afayase a la concreta situaci\u00f3n sociol\u00f3xica d\u2019Asturies<\/strong> y a les nueses espec\u00edfiques necesidaes. Por exemplu: presencia educativa nos niveles non universitarios como asignatura de llibre configuraci\u00f3n auton\u00f3mica al algame de tol alumn\u00e1u; emplegu equilibr\u00e1u, xunto col castell\u00e1n, nos medios de comunicaci\u00f3n p\u00fablicos; dignificaci\u00f3n y visualizaci\u00f3n del so usu n\u2019\u00e1mbitos institucionales del Princip\u00e1u; mid\u00edes de fomentu, proteici\u00f3n y espardimientu de la creaci\u00f3n lliteraria y art\u00edstica, etc. Aiciones d\u2019esti calter ser\u00eden abondes como pa garantizar el futuru del asturianu como llingua de cultura na nuesa comunid\u00e1.<\/li>\n
  7. El procesu de puesta en pr\u00e1utica de la oficialid\u00e1 n\u2019Asturies sedr\u00eda\u2019l m\u00e1s cenciellu y el menos costosu, falando en t\u00e9rminos econ\u00f3micos, de tol est\u00e1u<\/strong>, darr\u00e9u de les carauter\u00edstiques espec\u00edfiques d\u2019Asturies: comunid\u00e1 uniprovincial (un solu parllamentu y ensin diputaciones provinciales), 1 mill\u00f3n d\u2019habitantes, nam\u00e1s 1 Universid\u00e1, 78 conceyos y presencia de mancomunidaes, etc. Nesti sen, pue afirmase rotundamente que la co-oficialid\u00e1 del asturianu (y del gallego-asturianu) en neng\u00fan casu requerir\u00eda una inversi\u00f3n a\u00f1al, adicional a l\u2019actual, que superara\u2019l 0.35% de presupuestu de la comunid\u00e1 aut\u00f3noma. Hai que conse\u00f1ar, am\u00e1s, qu\u2019acordies colos plantegamientos de los espertos, una parte importante d\u2019esta inversi\u00f3n diba recuperase al travi\u00e9s de la creaci\u00f3n de puestos de trabayu estables nel sistema educativu, del empl\u00e9u en grupos corporativos teunol\u00f3xicos, del afitamientu d\u2019empreses editoriales y discogr\u00e1fiques, de la xeneraci\u00f3n d\u2019un turismu cultural y de calid\u00e1, etc.<\/li>\n<\/ol>\n

    En fin, n\u2019Asturies toos tenemos una enorme responsabilid\u00e1 no que se refier a facer posible que la llingua del pueblu asturianu nun desapaeza. Caltener una cultura -abierta y non excluyente- nun pue meter mieu a nadie. Ye la nuesa cultura; y los asturianos y asturianes vamos saber xestionar esta cultura con intelixencia y moderaci\u00f3n. Agora hai una oportunid\u00e1 pa facelo, col mayor consensu posible, porque hai una mayor\u00eda social y pol\u00edtica qu\u2019ufre les m\u00e1ximes garant\u00edes d\u2019\u00e9xitu nel llogru d\u2019esta demanda hest\u00f3rica.<\/p>\n

    Uvi\u00e9u, 18 de xineru de 2018<\/p>\n

    Academia de la Llingua Asturiana
    \n