{"id":4803,"date":"2015-03-24T13:17:06","date_gmt":"2015-03-24T12:17:06","guid":{"rendered":"https:\/\/alladixital.org\/ensenanza-del-asturianu\/"},"modified":"2015-03-24T13:17:06","modified_gmt":"2015-03-24T12:17:06","slug":"ensenanza-del-asturianu","status":"publish","type":"post","link":"https:\/\/alladixital.org\/en\/ensenanza-del-asturianu\/","title":{"rendered":"Ense\u00f1anza del asturianu: especialid\u00e1 docente, curr\u00edculu escolar y oficialid\u00e1"},"content":{"rendered":"

L\u2019Academia vien siguiendo con perxustificada alarma les noticies qu\u2019estos caberos meses y d\u00edes arrodien la ense\u00f1anza de la Llingua Asturiana nes estremaes estayes educatives. Ente otres:<\/p>\n

    \n
  1. La negativa del Ministeriu d\u2019Educaci\u00f3n a inxerir nel Decretu d\u2019Especialidaes Docentes la posibilid\u00e1 de que la materia \u00abLlingua Asturiana\u00bb pudiere ser una de les especialidaes pal profesor\u00e1u d\u2019Educaci\u00f3n Primaria y Secundaria. Y ello magar cuente con una enmienda del propiu Conseyu Escolar del Est\u00e1u que reclama tal posibilid\u00e1. Esta negativa ye, l\u00f3xicamente, responsabilid\u00e1 del Ministeriu, pero tami\u00e9n de la Conseyer\u00eda d\u2019Educaci\u00f3n y Cultura d\u2019Asturies que nun fexo por negociar al m\u00e1ximu nivel les condiciones de la petici\u00f3n.<\/li>\n<\/ol>\n
      \n
    1. La inxustificable y allegal propuesta de la Conseyer\u00eda d\u2019Educaci\u00f3n del Gobiernu d\u2019Asturies p\u2019allugar l\u2019asignatura \u00abLlingua Asturiana\u00bb dientro de la Educaci\u00f3n Secundaria nunes condiciones d\u2019optativid\u00e1 \u2013y competencia desigual\u2013 con 4 materies: Segunda Llingua Estranxera, Cultura Cl\u00e1sica, Aniciu a l\u2019Activid\u00e1 Entamadora y Empresarial y Materia Propuesta pol centru docente. Persabe\u2019l Gobiernu d\u2019Asturies qu\u2019esto incumple dafechu l\u2019art\u00edculu 10 de la Llei d\u2019Usu del Asturianu, xustamente\u2019l dedic\u00e1u al curr\u00edculu, que diz:<\/li>\n<\/ol>\n

      3. La escoyeta del estudiu o del emplegu del bable\/asturianu como asignatura del curr\u00edculu en neng\u00fan casu podr\u00e1 servir de motivu de discriminaci\u00f3n de los alumnos.<\/em><\/p>\n

      Pa los que lo escueyan, el so aprendimientu o usu nun podr\u00e1 torgar que reciban la mesma formaci\u00f3n y conocimientos n\u2019iguald\u00e1 de condiciones que\u2019l restu del alumn\u00e1u.<\/em>
      \n<\/em><\/p>\n

        \n
      1. La risible ya insultante decisi\u00f3n, tami\u00e9n de l\u2019alministraci\u00f3n educativa n\u2019Asturies, de camentar que l\u2019asturianu pue deprendese nel Bachilleratu rebaxando de 4 a 1 hora selmanal la so docencia nunes condiciones d\u2019axuste, am\u00e1s, pr\u00e1uticamente imposibles pal alumn\u00e1u.<\/li>\n<\/ol>\n

        L\u2019Academia entiende que nel tresfondu de toa esta llamentable situaci\u00f3n ta la testona realid\u00e1 de que l\u2019asturianu ye la \u00fanica llingua del est\u00e1u espa\u00f1ol non oficial. Esto nun almite duldes. De fechu, cuando\u2019l Ministeriu refuga la especialid\u00e1 pon como xida que l\u2019asturianu nun ye oficial; y asina mesmo cuando la Conseyer\u00eda nun ye a alcontrar el llugar qu\u2019a la Llingua Asturiana-y corresponder\u00eda nun curr\u00edculu normal pa una comunid\u00e1 billing\u00fce, el problema, na pr\u00e1utica, vien a ser exautamente\u2019l mesmu.<\/p>\n

        Y ye qu\u2019equ\u00ed, n\u2019Asturies, intenta facese daqu\u00e9 imposible, xur\u00eddica y socialmente: caltener una llingua y una cultura al marxe del marcu constitucional de referencia que ye la oficializaci\u00f3n. Esti ye\u2019l cam\u00edn l\u00f3xicu que siguieron los gallegos, los vascos, los navarros, los catalanes, los baleares y los araneses.<\/p>\n

        Tamos diciendo, en fin, que la hestoria de m\u00e1s de 3 d\u00e9cades amuesa que cualquier pasu llegal que represente un encontu oxetivu pal caltenimientu del asturianu como llingua de cultura n\u2019Asturies esfr\u00f3nase de contino escontra\u2019l fechu de que l\u2019idioma de los asturianos nun ye oficial. Y esto han sabelo los part\u00edos pol\u00edticos asitiaos n\u2019Asturies, de mou qu\u2019agora que tamos en plenu periodu pre-ellectoral tienen que ser conscientes de que si nun planteguen y negocien la co-oficialid\u00e1 de la llingua asturiana t\u00e1n conden\u00e1ndola conscientemente a la so desapaici\u00f3n. Y\u00e1 nun valen m\u00e1s vueltes nin m\u00e1s ambig\u00fcedaes: o se ta cola llingua y la cultura d\u2019Asturies o se ta por facela desapaecer.<\/p>\n

        En tou casu, la socied\u00e1 asturiana ha saber que l\u2019Academia de la Llingua Asturiana siempres tar\u00e1 alliniada con aquelles persones ya instituciones que defenden el derechu a usar l\u2019asturianu n\u2019iguald\u00e1 de condiciones que\u2019l restu de les lling\u00fces oficiales del Est\u00e1u.<\/p>\n

        Uvi\u00e9u, 24 de marzu de 2015<\/p>\n

         <\/p>\n

        \u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 Academia de la Llingua Asturiana<\/strong><\/p>\n

         <\/p>\n

         
        \n