Llueu de l\u2019aprobaci\u00f3n de la LOMCE (Llei Org\u00e1nica de Meyora de la Calid\u00e1 Educativa), con fecha 9 d\u2019avientu de 2013, correspuende a les Comunidaes Aut\u00f3nomes afayar, dientro de les sos llendes competenciales, los conten\u00edos de la mesma.<\/p>\n
Al marxe d\u2019otres consideraciones sobre\u2019l valir y el nivel de consensu de la mentada llei, hai que reconocer que la disposici\u00f3n adicional trix\u00e9simo octava afitaba per primer vegada les posibilidaes educatives de les lling\u00fces propies non oficiales de les Comunidaes del Est\u00e1u espa\u00f1ol:<\/p>\n
\u00abAquelles Comunidaes Aut\u00f3nomes nes qu\u2019haya lling\u00fces non oficiales con proteici\u00f3n llegal ufiertar\u00e1nles, nel so casu, nel bloque d\u2019asignatures de llibre configuraci\u00f3n auton\u00f3mica nos t\u00e9rminos que determine la so normativa reguladora.\u00bb<\/p><\/blockquote>\n
La situaci\u00f3n actual, a pocos meses d\u2019entrada en vixencia de la llei (cursos 1u, 3u y 5u d\u2019Educaci\u00f3n Primaria del pr\u00f3ximu cursu acad\u00e9micu 2014-2015), ufr\u00eda una perbona oportunid\u00e1 pa meyorar los calces d\u2019escolarizaci\u00f3n de la Llingua Asturiana n\u2019aspeutos como A) n\u00famberu d\u2019hores d\u2019impartici\u00f3n selmanal (1,5 hores angua\u00f1o, situaci\u00f3n dafechu insuficiente pal deprendizax de les competencies qu\u2019esta ense\u00f1anza lleva inxertes); B) posibilid\u00e1 d\u2019usar l\u2019asturianu con calter parcialmente vehicular pa trabayar conten\u00edos d\u2019asignatures como Ciencies Sociales o Naturales; C) allugamientu con calter verdaderamente voluntariu de la Llingua Asturiana nel curr\u00edculu, acordies col marcu llegal; etc.<\/p>\n
Constatamos, ensin embargu, que tamos \u00e9nte una nueva oportunid\u00e1 perdida darr\u00e9u que A) la llingua sigue calteniendo una dedicaci\u00f3n horaria dif\u00edcilmente defendible dende\u2019l puntu de vista pedag\u00f3xicu (1,5 hores a la selmana); B) nun hai previsi\u00f3n del so emplegu pa trabayar conten\u00edos rellacionaos con aspeutos hest\u00f3ricos, culturales, medioambientales, xeogr\u00e1ficos, art\u00edsticos\u2026 de la Comunid\u00e1 Aut\u00f3noma; o C) pierde, en fin, el so calter de voluntaried\u00e1 pa tresformase nuna materia optativa que compite cola Cultura Asturiana, bloque de conocimientos que poles sos carauter\u00edstiques habr\u00eda ser tresversal en tol curr\u00edculu asturianu.<\/p>\n
Con ser lo anterior grave pal futuru educativu del asturianu, alcontr\u00e1monos agora con posicionamientos, ensin dulda minoritarios, non y\u00e1 anti-pedag\u00f3xicos, sin\u00f3n claramente de resistencia a l\u2019aceutaci\u00f3n del marcu llegal de referencia: LOMCE y Llei d\u2019Usu. A lo que paez, determinaos sectores, a lo meyor desinformaos o a lo meyor conscientes del so facer, pretenden acabar cola escolarizaci\u00f3n de la Llingua Asturiana queriendo facela competir con otres materies como, por exemplu, la segunda llingua estranxera. La LOMCE dexaba la posibilid\u00e1 d\u2019encaxar la ense\u00f1anza d\u2019una segunda llingua estranxera ensin competencia coles lling\u00fces propies de les comunidaes, fueren o non oficiales. Poro, plantegar nesti momentu un falsu discutiniu Llingua Asturiana\/Llingua Estranxera ye nam\u00e1i una xida oportunista, malintencionada y tendenciosa pa desaniciar les curties posibilidaes que tien la escolarizaci\u00f3n de la Llingua Asturiana.<\/p>\n
L\u2019Academia de la Llingua Asturiana; los sindicatos de la ense\u00f1anza SUATEA, CCOO y FETE-UXT; les organizaciones de pas y mas d\u2019alumnos como FAPA \u00abMiguel Virg\u00f3s\u00bb y FAPAS Xix\u00f3n; la Xunta Estudiantil Asturiana; el Sindicatu d\u2019Estudiantes; les asociaciones c\u00edviques Xunta pola Defensa de la Llingua Asturiana, Iniciativa pol Asturianu y \u00abReciella (Families pol Asturianu)\u00bb faen responsable al Gobiernu del Princip\u00e1u d\u2019Asturies y a la Conseyer\u00eda d\u2019Educaci\u00f3n de la regulaci\u00f3n y el determ\u00edn que se tome con respeuto al asitiamientu curricular de l\u2019asignatura de Llingua Asturiana y entienden que l\u2019alternativa ufiertada Llingua Asturiana\/Cultura Asturiana constit\u00fai y\u00e1 una rebaxa de la situaci\u00f3n anterior y un escenariu de m\u00ednimos minim\u00edsimos. Darr\u00e9u d\u2019ello, toa decisi\u00f3n que vaya escontra esti escenariu ye inaceutable dafechu, tanto dende\u2019l puntu de vista llegal como dende\u2019l puntu de vista social y cultural.<\/p>\n
Les instituciones y organizaciones que sofitamos esti documentu proclamamos la nuesa belixerancia escontra cualesquier intentu de facer competir al asturianu con una segunda llingua estranxera o con cualquier otra materia que nun seya la de Cultura Asturiana y damos anuncia, tanto al Gobiernu como a la socied\u00e1 asturiana, de qu\u2019actuaremos en consecuencia con toes aquelles iniciatives sociales y ciudadanes que tean al nuesu algame pa parar un desat\u00edn como\u2019l que dende dalgunes instancies se pretende.<\/p>\n
Uvi\u00e9u, a 20 d\u00edes andaos del mes de xunu de 2014.
\n