L\u2019Academia de la Llingua Asturiana vien siguiendo con esmolici\u00f3n los continuos casos de discriminaci\u00f3n lling\u00fc\u00edstica que t\u00e1n sufriendo los ciudadanos del Conceyu de Nore\u00f1a a lo llargo d\u2019estos a\u00f1os pola actit\u00fa del so alcalde, D. C\u00e9sar Movilla, pa col usu de la llingua asturiana na vida diaria del conceyu.<\/p>\n
La cabera decisi\u00f3n del alcalde de Nore\u00f1a de refugar la petici\u00f3n d\u2019un coleutivu de \u201cParaos y Precarios de Siero y Nore\u00f1a\u201d por tar redactada n\u2019asturianu, ye una vegada m\u00e1s una falta de respetu hacia la llingua y la cultura asturiana \u2013ya inda m\u00e1s, hacia\u2019l propiu derechu de los ciudadanos del conceyu a usar la llingua d\u2019Asturies\u2013. N\u2019efeutu, refugar el ment\u00e1u escritu cola xida de tener que tar \u201credactada en castellano, lengua oficial de esta Comunidad Aut\u00f3noma\u201d, da cuenta perfeutamente del allugamientu, oxetivamente anti-asturianu, del Sr. Alcalde y del so desconocimientu del marcu xur\u00eddicu qu\u2019ampara\u2019l derechu de los ciudadanos al llibre usu de la llingua asturiana.<\/p>\n
L\u2019Academia de la Llingua Asturiana tresllad\u00f3 a la FSA-PSOE (part\u00edu al que pertenez l\u2019alcalde) la so m\u00e1s fonda preocupaci\u00f3n y perplexid\u00e1 \u00e9nte esti nuevu atropellu a la llingua asturiana y encament\u00f3-y poner igua a una actuaci\u00f3n que, con toa xusticia, podr\u00eda calificase de pre-constitucional y antiestatutaria.<\/p>\n
Uvi\u00e9u, 29 de xineru de 2014
\n