{"id":4902,"date":"2012-02-01T09:14:22","date_gmt":"2012-02-01T08:14:22","guid":{"rendered":"https:\/\/alladixital.org\/prueba-de-conocencia-de-la-llingua-asturiana-mayu-2012\/"},"modified":"2012-02-01T09:14:22","modified_gmt":"2012-02-01T08:14:22","slug":"prueba-de-conocencia-de-la-llingua-asturiana-mayu-2012","status":"publish","type":"post","link":"https:\/\/alladixital.org\/en\/prueba-de-conocencia-de-la-llingua-asturiana-mayu-2012\/","title":{"rendered":"Prueba de conocencia de la llingua asturiana (mayu 2012)"},"content":{"rendered":"

CONVOCATORIA DE MAYU*<\/strong><\/p>\n

L’Academia de la Llingua Asturiana, sabiendo’l fondu inter\u00e9s de munches persones de llograr que se reconoza la so conocencia de la llingua y manifestar asina’l so fondu amor al idioma asturianu, fadr\u00e1 dos convocatories a\u00f1ales onde van poder evaluase diches conocencies. Nesi sen, da anuncia de les sos iniciatives pa conocimientu xeneral:<\/p>\n

    \n
  1. Nos meses de xineru y mayu cel\u00e9brense les pruebes, abiertes a toles persones interesaes.<\/li>\n
  2. Unos quince d\u00edes enantes de les pruebes va abrise un plazu de matr\u00edcula.<\/li>\n
  3. A les persones declaraes aptes nes pruebes citaes, l’Academia dar\u00e1-yos un documentu onde s’afite la conocencia nel nivel 1 o b\u00e1sicu seg\u00fan calces sigu\u00edos por esta Instituci\u00f3n.<\/li>\n
  4. Les persones que nun superen les pruebes del nivel 1 podr\u00e1n presentase a nueves convocatories toles vegaes que-yos pruya.<\/li>\n
  5. Pal bon result\u00e1u d’estes pruebes habr\u00e1 tenese un dominiu b\u00e1sicu de les estayes que vienen darr\u00e9u:\n
      \n
    1. ESTAYA LLING\u00dc\u00cdSTICA\n
        \n
      1. Teor\u00eda gramatical: conocencia y dominiu del funcionamientu gramatical del asturianu y de la normativa acad\u00e9mica.<\/li>\n
      2. Pr\u00e1utica escrita: emplegu ama\u00f1osu de la llingua, puestu en pr\u00e1utica gracies a exercicios gramaticales y de composici\u00f3n escrita.<\/li>\n
      3. Pr\u00e1utica oral: emplegu fal\u00e1u de la llingua, nuna situaci\u00f3n real o imaxinaria, que se va valorar nuna conversaci\u00f3n colos miembros del xur\u00e1u calificador.<\/li>\n<\/ol>\n<\/li>\n
      4. ESTAYA DE LLINGUA Y SOCIED\u00c1
        \nConocencia del allugamientu de la llingua dientro de la socied\u00e1 asturiana asina como del procesu de normalizaci\u00f3n en que ta inxerta.<\/li>\n<\/ol>\n<\/li>\n
      5. La prueba va tener dos partes, una escrita (dict\u00e1u, torna, exercicios gramaticales, redaici\u00f3n) y otra falada (conversaci\u00f3n).<\/li>\n<\/ol>\n

        Nota.<\/strong> Resulta imprescindible conocer les xeneralidaes gramaticales de la llingua asturiana y los aspeutos b\u00e1sicos de la so normativa ortogr\u00e1fica (Normes ortogr\u00e1fiques, ALLA, Uvi\u00e9u, 2005, 6\u00aa ed.; Gram\u00e1tica de la Llingua Asturiana, ALLA, Uvi\u00e9u, 2001, 3\u00aa ed.).<\/p>\n

        Asina mesmo, acons\u00e9yase la llectura de testos fechos acordies cola normativa, como los asoleyaos por esta Academia.<\/p>\n

        \n

        * En resultes d’esto, el 26 de mayu de 2012 va facese la prueba semestral. El plazu de matr\u00edcula ye del 14 al 24 de mayu.<\/p>\n<\/blockquote>\n