L\u2019Academia de la Llingua Asturiana, enterada de la decisi\u00f3n del alcalde de Nore\u00f1a, D. C\u00e9sar Movilla, de refugar y retirar del orde del d\u00eda del Plenu de g\u00fcei una moci\u00f3n del grupu pol\u00edticu \u201cConceyu Abiertu\u201d, sobro la ponte ferroviaria de Rebalde (patrimoniu industrial asturianu de mediaos del sieglu XIX) por \u201ctar redactada n\u2019asturianu\u201d, quier treslladar a la opini\u00f3n p\u00fablica asturiana la so m\u00e1s fonda esmolici\u00f3n \u00e9nte la falta de respetu qu\u2019amuesa\u2019l rexidor nore\u00f1ense hacia la llingua y la cultura asturiana ya, inda m\u00e1s, hacia\u2019l propiu derechu de los ciudadanos del conceyu a usar la llingua d\u2019Asturies.<\/p>\n
N\u2019efeutu, refugar la mentada moci\u00f3n cola xida de problemes \u201creglamentarios\u201d da cuenta perfeutamente del allugamientu, oxetivamente anti-asturianu, del Sr. Alcalde y tresllada a la socied\u00e1 asturiana, una vegada m\u00e1s, la necesid\u00e1 de d\u2019atayar situaciones como les descrites pente medies del reconocimientu del asturianu como llingua oficial n\u2019iguald\u00e1 de condiciones que\u2019l restu de lling\u00fces del Est\u00e1u.<\/p>\n
L\u2019Academia de la Llingua Asturiana ye sabedora que l\u2019afitamientu de la oficialid\u00e1 requier del consensu mayoritariu na Xunta Xeneral del Princip\u00e1u y, darr\u00e9u d\u2019ello, de la reforma del Estatutu d\u2019Autonom\u00eda d\u2019Asturies. Poro, p\u00edde-y al Gobiernu del Princip\u00e1u que llidere esi procesu de reconocimientu xur\u00eddicu del asturianu y qu\u2019act\u00fae (mentantu esa figura llegal nun seya plenamente efeutiva) afalando calces de dignificaci\u00f3n y de planificaci\u00f3n lling\u00fc\u00edstica que, acordies col marcu alministrativu vixente, enconten l\u2019usu del asturianu en toles instituciones del Pa\u00eds.<\/p>\n
Uvi\u00e9u, a 9 d\u2019agostu de 2011.<\/p>\n
Academia de la Llingua Asturiana.
\n