Como sabe la opini\u00f3n p\u00fablica asturiana y les fuerces pol\u00edtiques parllamentaries de la Xunta Xeneral del Princip\u00e1u d\u2019Asturies, l\u2019Academia de la Llingua Asturiana vien calteniendo cuantay\u00e1 la necesid\u00e1 de que\u2019l profesor\u00e1u de Llingua Asturiana exerciente en centros p\u00fablicos d\u2019Educaci\u00f3n Primaria y Secundaria cunte cola Especialid\u00e1 docente de Llingua Asturiana. Tal especialid\u00e1 ye la \u00fanica garant\u00eda de qu\u2019esti profesor\u00e1u pueda acceder, n\u2019iguald\u00e1 de condiciones que\u2019l restu, a una estabilid\u00e1 profesional pente medies de los pertinentes concursos d\u2019oposici\u00f3n y tresll\u00e1u. Ello significar\u00eda, al empar, un importante reblagu nel asitiamientu alministrativu del \u00e1rea de Llingua Asturiana dende\u2019l puntu de vista organizativu y, mesmamente, dende la perspeutiva de la rentabilid\u00e1 y axuste econ\u00f3micu nun momentu de crisis fonda como l\u2019actual. Nun hai qu\u2019escaecer, am\u00e1s, que\u2019l nivel de formaci\u00f3n universitaria esix\u00edu a esti profesor\u00e1u ye, agora y darr\u00e9u de la puesta en pr\u00e1utica na Universid\u00e1 de les directrices del Espaciu Europ\u00e9u d\u2019Educaci\u00f3n Superior (EEES), plenamente homologable al del restu de los coleutivos docentes. Pues bien, el Ministeriu d\u2019Educaci\u00f3n ta a puntu d\u2019espublizar un nuevu Decretu d\u2019Especialidaes pa Maestros nel que s\u2019afita que \u201ctendr\u00e1n la consideranza d\u2019especialidaes del cuerpu de Maestros les propies de la llingua co-oficial naquelles comunidaes aut\u00f3nomes qu\u2019asina lo tuvieron reglao\u201d. Magar esti enunci\u00e1u nun torga les posibidaes llegales de la llingua asturiana (nada se diz a la escontra de les lling\u00fces non oficiales), el sindicatu de profesores STES (represent\u00e1u en Madrid por Vicent Esteve) planteg\u00f3 apocay\u00e1 al ME na mesa sectorial d\u2019Educaci\u00f3n una enmienda al articul\u00e1u pa que les lling\u00fces non oficiales, pero con especial proteici\u00f3n y presencia curricular oficial, pudieren ser, tami\u00e9n, reconoc\u00edes como \u201cespecialid\u00e1 docente\u201d.<\/p>\n
A lo que paez, la respuesta del Miguel Soler Garc\u00eda (Direutor Xeneral de Formaci\u00f3n Profesional del Ministeriu d\u2019Educaci\u00f3n) foi qu\u2019ello nun yera necesario porque, puestos en contautu col Princip\u00e1u d\u2019Asturies, les autoridaes auton\u00f3miques asturianes refugaben esa especialid\u00e1.<\/p>\n
De ser ello cierto, sedr\u00eda un fechu grav\u00edsimu, non solo porque\u2019l Gobiernu del Princip\u00e1u d\u2019Asturies tar\u00eda faciendo una dexaci\u00f3n ensin precedentes de les posibilidaes llegales de la ense\u00f1anza del asturianu, sin\u00f3n tami\u00e9n dende\u2019l puntu de vista de les implicaciones que cinquen a la credibilid\u00e1 del executivu asturianu, darr\u00e9u que son xustamente los responsables educativos d\u2019Asturies los qu\u2019apregonen que tal especialid\u00e1 nun pue facese porque \u201cMadrid nun dexa\u201d.<\/p>\n
L\u2019Academia, nesti sen y como mu\u00e9rganu tutelar de los derechos lling\u00fc\u00edsticos de los asturianos, da anuncia de que solicitar\u00e1 un aconceyamientu urxente cola Conseyer\u00eda d\u2019Educaci\u00f3n del Gobiernu del Princip\u00e1u y treslladar\u00e1 la so posici\u00f3n a toles fuerces pol\u00edtiques parllamentaries, entamando pola FSA-PSOE, encamentando a toes elles qu\u2019estes cuestiones seyan ten\u00edes en cuenta a la hora d\u2019ellaborar los respeutivos programes eleutorales col env\u00eds de qu\u2019esta llamentable situaci\u00f3n alcuentre definitiva soluci\u00f3n con marcu llegal y alministrativu estable y non discriminatoriu.<\/p>\n
Uvi\u00e9u, 21 de febreru de 2011
\n