{"id":4960,"date":"2008-06-26T09:59:30","date_gmt":"2008-06-26T07:59:30","guid":{"rendered":"https:\/\/alladixital.org\/nota-de-prensa-de-lacademia-de-la-llingua-asturiana-los-estudios-de-filoloxia-asturiana-dientro-de-la-universida-duvieu\/"},"modified":"2022-07-06T12:59:56","modified_gmt":"2022-07-06T10:59:56","slug":"nota-de-prensa-de-lacademia-de-la-llingua-asturiana-los-estudios-de-filoloxia-asturiana-dientro-de-la-universida-duvieu","status":"publish","type":"post","link":"https:\/\/alladixital.org\/en\/nota-de-prensa-de-lacademia-de-la-llingua-asturiana-los-estudios-de-filoloxia-asturiana-dientro-de-la-universida-duvieu\/","title":{"rendered":"Nota de prensa de l\u2019Academia de la Llingua Asturiana. LOS ESTUDIOS DE FILOLOX\u00cdA ASTURIANA DIENTRO DE LA UNIVERSID\u00c1 D\u2019UVI\u00c9U"},"content":{"rendered":"

L\u2019 Academia de la Llingua Asturiana, \u00e9nte l\u2019alcuerdu tom\u00e1u, el 24 de xunu, na Xunta de la Facult\u00e1 de Filolox\u00eda de nun incluyir l\u2019asturianu dientro del cat\u00e1logu de maiores y minores, quier manifestar lo que vien darr\u00e9u:<\/p>\n

    \n
  1. La so reconocencia al Equipu Decanal saliente, porque dexando a un llau estigmes y prexuicios estralling\u00fc\u00edsticos, inxert\u00f3 l\u2019asturianu dientro de la propuesta del cat\u00e1logu de maiores y minores a ufiertar nos nuevos t\u00edtulos de Grau, al mesmu nivel que\u2019l restu de les lling\u00fces que s\u2019imparten nestos momentos na mentada Facult\u00e1.<\/li>\n
  2. La so fonda esmolici\u00f3n \u00e9nte la insegurid\u00e1 xur\u00eddica que sup\u00f3n la decisi\u00f3n tomada, darr\u00e9u qu\u2019\u00e9sta as\u00edtiase oxetivamente a la escontra de los conten\u00edos de la Llei d\u2019Usu del Asturianu de 1998 (Art. 17: \u00abLa Universid\u00e1 d\u2019Uvi\u00e9u, nel exerciciu de les sos competencies y col fin de garantizar la capacitaci\u00f3n afayadiza del profesor\u00e1u necesariu pa la ense\u00f1anza del bable\/asturianu, llevar\u00e1 darr\u00e9u, al travi\u00e9s de los correspondientes departamentos, la formaci\u00f3n inicial d\u2019\u00e9sti. Del mesmu mou, compete a la Universi\u00e1 la investigaci\u00f3n lling\u00fc\u00edstica y filol\u00f3xica en rellaci\u00f3n col bable\/asturianu\u00bb).<\/li>\n
  3. La so inquiet\u00fa polos perxuicios causaos al alumn\u00e1u, al refugar un planteamientu acad\u00e9micu dafechu prudente y fondamente respetuosu col drechu a la llibre eleici\u00f3n per parte del mesmu, al proponer un bloque d\u2019estudios d\u2019asturianu optativu y combinable, d\u2019un llau, y qu\u2019atend\u00eda a les necesidaes reales de la demanda educativa del futuru profesor\u00e1u de Llingua Asturiana, d\u2019otru. Hai que conse\u00f1ar, am\u00e1s, que la propuesta cuntaba col sofitu cient\u00edficu y cola esperiencia d\u2019un profesor\u00e1u que vien impartiendo materies rellacionaes col asturianu, dende va a\u00f1os, na Facult\u00e1 de Filolox\u00eda.<\/li>\n
  4. La denuncia de los argumentos demag\u00f3xicos y alarmistes nos que se sofitaba la posici\u00f3n que foi aprobada, al entemecer lo acad\u00e9mico colo pol\u00edtico-ideol\u00f3xico, tal y como se pue apreciar, por exemplu, na llinia argumental que recoy\u00eda testualmente\u2019l documentu de la enmienda: \u00abyo \u2014diz el proponente\u2014 no puedo respaldar una inclusi\u00f3n que contribuye a reforzar la imagen del asturiano como lengua nacional, eventualidad que yo al menos no desear\u00eda ver realizada\u00bb.<\/li>\n
  5. El so enfotu en que\u2019l nuevu Equipu Decanal y la Xunta de Facult\u00e1 seyan quien, xunto col Rector\u00e1u y les autoridaes del Princip\u00e1u d\u2019Asturies, a reconducir la situaci\u00f3n presente y dar a los estudios d\u2019asturianu\u2019l llugar que-yos correspuende, como una llingua m\u00e1s de les que s\u2019ufierten na Facult\u00e1 de Filolox\u00eda, dientro de la estructura de los nuevos t\u00edtulos de Grau. Y nun sedr\u00eda aceutable nenguna otra soluci\u00f3n intermedia.<\/li>\n
  6. La petici\u00f3n a les fuerces pol\u00edtiques parllamentaries asitiaes na Xunta Xeneral del Princip\u00e1u pa qu\u2019aborde la soluci\u00f3n definitiva d\u2019estos y otros problemes arreyaos al exerciciu de los derechos lling\u00fc\u00edsticos de los asturianos, pente medies del reconocimientu xur\u00eddicu del asturianu como llingua co-oficial nel Estatutu d\u2019Autonom\u00eda d\u2019Asturies.<\/li>\n<\/ol>\n

    Llamenta l\u2019Academia que se llegue a esta situaci\u00f3n xustamente porque nun cumplieron les correspondientes autoridaes un pautu anterior de la mesma Facult\u00e1 que pidi\u00f3 nel so d\u00eda que se creare la especialid\u00e1 de Filolox\u00eda Asturiana.<\/p>\n

    Cuando una demanda democr\u00e1tica nun s\u2019atiende ta favoreci\u00e9ndose que los intereses antidemocr\u00e1ticos act\u00faen a la escontra de los m\u00e1s.<\/p>\n

    Uvi\u00e9u, 26 de xunu de 2008
    \n