{"id":4982,"date":"2007-02-15T15:42:47","date_gmt":"2007-02-15T14:42:47","guid":{"rendered":"https:\/\/alladixital.org\/el-tribunal-cimeru-de-xusticia-dasturies-sentencia-a-la-escontra-de-la-tramitacion-duna-tesis-doctoral-nasturianu\/"},"modified":"2007-02-15T15:42:47","modified_gmt":"2007-02-15T14:42:47","slug":"el-tribunal-cimeru-de-xusticia-dasturies-sentencia-a-la-escontra-de-la-tramitacion-duna-tesis-doctoral-nasturianu","status":"publish","type":"post","link":"https:\/\/alladixital.org\/en\/el-tribunal-cimeru-de-xusticia-dasturies-sentencia-a-la-escontra-de-la-tramitacion-duna-tesis-doctoral-nasturianu\/","title":{"rendered":"El Tribunal Cimeru de Xusticia d’Asturies sentencia a la escontra de la tramitaci\u00f3n d’una Tesis Doctoral n’asturianu"},"content":{"rendered":"

Fai unes selmanes conoci\u00f3se la sentencia del Tribunal Cimeru de Xusticia del Princip\u00e1u d’Asturies a la escontra de la tramitaci\u00f3n, na Universid\u00e1 d’Uvi\u00e9u, de la Tesis Doctoral “El discursu de la periferia: proyectos autonomistes na Asturies contempor\u00e1nea (1808-1983)” de D. Faustino Zapico \u00c1lvarez, por dir en llingua asturiana.<\/p>\n

\u00c9nte la graved\u00e1 de los fechos, que suponen una clara discriminaci\u00f3n de los usuarios del asturianu, l’Academia de la Llingua Asturiana, na so cabera Xunta, tom\u00f3’l determ\u00edn de facer llegar a la opini\u00f3n p\u00fablica lo que vien darr\u00e9u:<\/p>\n

    \n
  1. En primer llugar, llamenta fondamente esta Academia que la Universid\u00e1 d’Uvi\u00e9u refugue la tramitaci\u00f3n de la Tesis Doctoral d’\u00fan de los sos doctorandos pol fechu de que’l t\u00edtulu y el resume de la tesis que ye obligao presentar pa la so inscripci\u00f3n tean en llingua asturiana. Y ello a pesar de que la Universid\u00e1 vien d’aprobar unos estatutos, espublizaos en castellanu y n’asturianu por mand\u00e1u del Claustru Universitariu, onde s’inxer un art\u00edculu 6 dedic\u00e1u a “La Universid\u00e1 y Asturies” que diz: “1. La Universid\u00e1 d’Uvi\u00e9u, en cuantes qu’universid\u00e1 p\u00fablica asturiana, empobinar\u00e1 de mou relevante les sos xeres a la realid\u00e1 y l’\u00e1mbitu d’Asturies” y “2. La llingua asturiana sedr\u00e1 oxetu d’estudiu, ense\u00f1anza ya investigaci\u00f3n nos \u00e1mbitos que correspuendan. Asina mesmo, el so emplegu tendr\u00e1’l tratamiento qu’afiten l’Estatutu d’Autonom\u00eda y la llexislaci\u00f3n complementaria, d\u00e1ndose seguranza de la non discriminaci\u00f3n de quien la emplegue”.
    \nY ello anque hai precedentes de tesis doctorales feches, defend\u00edes y espublizaes pola propia Universid\u00e1 d’Uvi\u00e9u en llingua asturiana; y a pesar de que l’autor de la Tesis que mos ocupa pudo va poco redactar y defender, n’asturianu, el Trabayu d’Investigaci\u00f3n del Doctor\u00e1u que-y sup\u00f3n, ente otres coses, l’algame de la suficiencia investigadora.
    \nYe dif\u00edcil pescanciar l’actuaci\u00f3n de la Universid\u00e1 d’Uvi\u00e9u, d’una Universid\u00e1 que formalmente tramit\u00f3 nel so d\u00eda la petici\u00f3n a Madrid de la creaci\u00f3n d’una Titulaci\u00f3n de Filolox\u00eda Asturiana pidida, ente otros, pola Facult\u00e1 de Filolox\u00eda y la Xunta Xeneral del Princip\u00e1u; d’una Universid\u00e1 que capacita al profesor\u00e1u d’Educaci\u00f3n Primaria y Secundaria pa impartir l’asignatura de Llingua Asturiana y Lliteratura neses estayes educatives y que lo fai pente medies de los T\u00edtulos Propios d’Espertu y Especialista en Llingua Asturiana, t\u00edtulos onde tola activid\u00e1 acad\u00e9mica se desendolca n’asturianu; d’una Universid\u00e1 qu’igua cursos de “Llingua Asturiana” dientro de la ufierta del Plan de Formaci\u00f3n Continua pal Personal d’Alministraci\u00f3n y Servicios (PAS); d’una Universid\u00e1 qu’organiza Cursos de Branu en llingua asturiana, en collaboraci\u00f3n con esta Instituci\u00f3n; d’una Universid\u00e1 que tien almit\u00edo escritos n’asturianu nel so Rexistru Xeneral.
    \nCuidamos que la decisi\u00f3n de les autoridaes universitaries, interpretando de la manera m\u00e1s curtia y probe posible los testos llegales, ye incomprensible y llamentable y que ta llo\u00f1e del bon facer, universitariu y universalista, que deber\u00eda presidir la xera de la m\u00e1xima instituci\u00f3n acad\u00e9mica.<\/li>\n
  2. L’Academia fai de so l’argumentaci\u00f3n del votu particular del maxistr\u00e1u D. Francisco Salto Vill\u00e9n, miembru del Tribunal Cimeru de Xusticia d’Asturies, emit\u00edu na citada sentencia. Na so opini\u00f3n la sentencia habr\u00eda desaniciase xustamente n’aplicaci\u00f3n de los preceptos onde s’enconta: la Constituci\u00f3n espa\u00f1ola (1978) (Art. 3), la Llei 30\/1992 del Procedimientu Alministrativu Com\u00fan y R\u00e9xime Xur\u00eddicu de les Alministraciones P\u00fabliques, l’Estatutu d’Autonom\u00eda d’Asturies (Art. 4), la Llei d’Usu y Promoci\u00f3n del Asturianu (1998) (Art. 4.2 y 4.3.) y los Estatutos de la Universid\u00e1 d’Uvi\u00e9u (2003) (Art. 6.2.).<\/li>\n
  3. Les distintes interpretaciones per parte de los maxistraos de la llegalid\u00e1 vixente amuesen una vegada m\u00e1s que’l sofitu llegal que g\u00fcei tenemos ye insuficiente dafechu. Por m\u00e1s que la Llei d’Usu s’enfote en dar seguranza de la non discriminaci\u00f3n de los ciudadanos pol emplegu de la llingua propia, los fechos demuestren testonamente, un d\u00eda tres otru, qu’esa seguranza nun esiste y que los asturianos siguimos sin cuntar con un respaldu llegal que nun mos discrimine lling\u00fc\u00edsticamente y que garantice’l drechu que, como ciudadanos, tenemos a espresanos na nuesa llingua, oralmente y per escrito, y en tolos \u00e1mbitos y niveles comunicativos.<\/li>\n
  4. Una vegada m\u00e1s l’Academia de la Llingua Asturiana quier denunciar la discriminaci\u00f3n que los ciudadanos asturianos carecemos con respeuto a los ciudadanos de les otres comunidaes billing\u00fces del Est\u00e1u, nel sent\u00edu de que n’Asturies nun esisten garant\u00edes reales que mos dexen exercer el derechu a la llibert\u00e1 del usu lling\u00fc\u00edsticu. Nesti sen, somos sabedores de que nel contestu espa\u00f1ol, que ye onde mos movemos, nam\u00e1i la reconocencia espresa de la oficialid\u00e1 de la llingua asturiana nel Estatutu d’Autonom\u00eda ye garant\u00eda real de la validez llegal del so usu y, magar que por s\u00ed mesma ella sola nun abaste pa perafitar la pervivencia de la llingua, lo que ta claro ye que ye la condici\u00f3n sine qua non pa que tal pervivencia seya vidable. Poro, nun pararemos hasta qu’esa reconocencia espresa s’algame.<\/li>\n<\/ol>\n