Como toos de xuru sabr\u00e1n, tres el result\u00e1u de les caberes eleiciones xenerales entam\u00f3se na socied\u00e1 un alderique al rodiu de la posible reforma y anovamientu de los diferentes Estatutos d’Autonom\u00eda, alderique al que la socied\u00e1 asturiana nin ta, nin pue tar n’ay\u00e9n.<\/p>\n
Nun me paez qu’esti seya nin el sitiu nin el momentu afayadizu p’analizar lo que dende’l puntu de vista pol\u00edticu significar\u00eda qu’Asturies, nesti nuevu encruz nel que mos atopamos, quedare al marxe del alderique y del posible anovamientu no que cinca a aspeutos de tanta fondura pal futuru de la nuesa comunid\u00e1 como son los que van xun\u00edos al algame de cumales d’autogobiernu de m\u00e1s altor (competencies nueves, posibilid\u00e1 de desfacer la Xunta Xeneral, aspeutos de financiaci\u00f3n, etc.); nin siquiera me paez qu’a min como Presidenta de l’Academia de la Llingua Asturiana me correspondiere facer esi anal\u00eds; pero, dende llueu, s\u00ed cuido que, como Presidenta de la instituci\u00f3n que represento, ye pertinente dafechu facer delles considerances sobro les implicaciones qu’anovamientu talu pue tener pal futuru del idioma d’Asturies. Y ello porque a l’Academia correspuende, como ye bien sab\u00edo, am\u00e1s de trabayos como’l de normativizaci\u00f3n o investigaci\u00f3n, el de curiar los derechos lling\u00fc\u00edsticos de los asturianos talo que s’afita nos nuesos estatutos.<\/p>\n
Prestar\u00edame, de mano, facer delles puntualizaciones sobro cuestiones terminol\u00f3xiques, qu’a vegaes xeneren tracamundiu, como ye’l casu de dalgunes que cinquen a conceutos como los de pol\u00edtica lling\u00fc\u00edstica, planificaci\u00f3n lling\u00fc\u00edstica, normalizaci\u00f3n social y oficialid\u00e1.<\/p>\n
Pue dicise ensin gota mieu a enquivocase que n’Asturies, hasta’l d\u00eda de g\u00fcei, nun tuviemos una pol\u00edtica lling\u00fc\u00edstica medianamente seria y empobinada a la recuperaci\u00f3n y dignificaci\u00f3n de la llingua asturiana. Sicas\u00ed, ye nidio que cada part\u00edu y cada gobiernu pescancien la pol\u00edtica lling\u00fc\u00edstica d’una manera determinada, acordies coles creyencies y opiniones de so sobro’l papel que tien de xugar la llingua asturiana na socied\u00e1. El problema d’Asturies, nesti sen, ta en qu’equ\u00ed esa pol\u00edtica lling\u00fc\u00edstica consisti\u00f3 siempres n’escaecer o en dexar de llau esi papel.<\/p>\n
Pa llevar alantre una pol\u00edtica lling\u00fc\u00edstica dirixida a encontar socialmente una llingua, nesti casu l’asturiana, ye preciso que los gobiernos o instituciones responsables faigan y lleven alantre una planificaci\u00f3n lling\u00fc\u00edstica axustada y eficaz a la qu’a la fuercia s’han venceyar un conxuntu de mid\u00edes o planes d’actuaci\u00f3n que, afit\u00e1ndose nunos oxetivos concretos y con una temporalizaci\u00f3n dada, puean ser evaluaos a lo cabero del periodu planific\u00e1u. Esta evaluaci\u00f3n tien de facese teniendo en cuenta’l grau de cumplimientu de los oxetivos de mano plantegaos. Lo que ye de llamentar ye que n’Asturies enxam\u00e1s esistiere planificaci\u00f3n lling\u00fc\u00edstica activa, enfotada en dar puxu al idioma del pa\u00eds.<\/p>\n
Dientro d’estes mid\u00edes, a les que vengo de facer referencia, ensin dulda la m\u00e1s importante ye la de la normalizaci\u00f3n social, que nun consiste n’otro qu’en facer “normal” una llingua dientro de la socied\u00e1 na que s’inxer, y ello tanto no que fai a la calid\u00e1 como a la cantid\u00e1 de los sos usos sociales. N’Asturies algam\u00e1ronse, ye verd\u00e1, cumales importantes no tocante a la normativizaci\u00f3n de la llingua asturiana (ortograf\u00eda, gram\u00e1tica, diccionariu, estandarizaci\u00f3n…), como ta acabante se\u00f1alar por Ramos Corrada; pero l’avance foi enforma m\u00e1s curtiu en cuantes a la dignificaci\u00f3n social y c\u00e1sique inesistente si pensamos na presencia “normal” de la llingua na socied\u00e1.<\/p>\n
D’otra miente, nel contestu espa\u00f1ol, y pa la totalid\u00e1 de les comunidaes billing\u00fces, la oficialid\u00e1 ye l’instrumentu xur\u00eddicu b\u00e1sicu pa facer efeutiva la normalizaci\u00f3n de la llingua. En realid\u00e1 constit\u00fai la \u00fanica garant\u00eda real del valir llegal del so usu y, magar que por s\u00ed mesma ella sola nun abaste pa perafitar la pervivencia de la llingua, lo que ta claro ye que ye la condici\u00f3n sine qua non pa que tal pervivencia seya vidable.<\/p>\n
Por embargu, na nuesa comunid\u00e1, la reconocencia xur\u00eddica qu’angua\u00f1o tien l’asturianu esfr\u00f3nase dafechu escontra la que tienen les otres lling\u00fces del est\u00e1u y result\u00f3 ser ineficaz del too como elementu de normalizaci\u00f3n. Cuido que los exemplos daos por Miguel Ramos Corrada amuesen nidiamente lo que toi diciendo.<\/p>\n
Darr\u00e9u d’ello deduzse que l’asturianu tien un tratamientu at\u00edpicu y particular en comparanza cola pol\u00edtica y la planificaci\u00f3n lling\u00fc\u00edstica fecha en Galicia, Pa\u00eds Vascu, Catalu\u00f1a, Valencia, Navarra y Baleares. Los ciudadanos asturianos carecen, carecemos, bien a les clares d’una discriminaci\u00f3n con respeuto a los ciudadanos de les otres comunidaes billing\u00fces del est\u00e1u, nel sent\u00edu de que n’Asturies nun esisten garant\u00edes reales que mos dexen exercer el derechu a la llibert\u00e1 del usu lling\u00fc\u00edsticu.<\/p>\n
Poro, podemos concluyir, en resume, que nel Princip\u00e1u hasta esti momentu nun se punxeron en pr\u00e1utica mid\u00edes crey\u00edbles nin de planificaci\u00f3n lling\u00fc\u00edstica, nin de normalizaci\u00f3n social, nin de reconocencia xur\u00eddica dafechu del asturianu como llingua propia de la comunid\u00e1. Estes faltes amuesen un d\u00e9ficit democr\u00e1ticu que nun se ye a pescanciar y m\u00e1s ent\u00e1, que nun se ye a esplicar o qu’atopa dif\u00edcil esplicaci\u00f3n. En realid\u00e1, la igua d’esta situaci\u00f3n constit\u00fai la gran asignatura pendiente de la democracia na nuesa comunid\u00e1. Y la socied\u00e1 asturiana nun ser\u00e1 una socied\u00e1 democr\u00e1tica daveres hasta que los asturianos seyamos llibres pa espresanos na nuesa llingua propia.<\/p>\n
Delles iniciatives parciales que, como se dixo enantes, foron llevaes alantre polos sucesivos gobiernos (escolarizaci\u00f3n voluntaria en dalgunos centros, delles gabites a la producci\u00f3n lliteraria, presencia del asturianu de ralo en ralo nos documentos llegales, etc.) nun se pue dicir de nenguna de les maneres que constituyan mid\u00edes de normalizaci\u00f3n, sin\u00f3n que malpenes son curtios averamientos hacia la dignificaci\u00f3n social del asturianu.<\/p>\n
Xusto ye dicir qu’estes curties mid\u00edes tuvieron siempres una perbona acoyida ente la poblaci\u00f3n y foron entend\u00edes por \u00e9sta como \u00f1iciu d’un verdaderu procesu de recuperaci\u00f3n que, al final y llamentablemente, naide punxo en pr\u00e1utica. Too ello refl\u00e9xase de sobra nos sucesivos estudios sociolling\u00fc\u00edsticos del Prof. Llera Ramo. Nun escaezamos que’l caberu, el II Estudiu Sociolling\u00fc\u00edsticu d’Asturies del que se fixo cargu la propia Academia, llueu de que decayere l’inter\u00e9s por \u00e9l del gobiernu del Princip\u00e1u, ye de va bien poco (asoley\u00f3se en 2002).<\/p>\n
Ye un error, o en tou casu una manera d’autoenga\u00f1ase, y de fatos ye aneciar en zarrar los g\u00fceyos a la realid\u00e1, albidrar que l’asturianu pue sobrevivir como llingua d’Asturies buscando soluciones xur\u00eddiques estremaes de les que tienen les otres lling\u00fces espa\u00f1oles. Pretender, por exemplu, soluciones al marxe de la oficialid\u00e1 pal asturianu -cuando esta llingua, l’asturiana, ye la que cuerre’l mayor peligru de desaniciamientu y, darr\u00e9u d’ello, la que m\u00e1s necesitada ta d’esi encontu xur\u00eddicu, como dex\u00f3 afit\u00e1u’l caberu informe de la UNESCO-, nun tien neng\u00fan xac\u00edu. Poro, na opini\u00f3n de nueso, la situaci\u00f3n social onde s’atopa empaton\u00e1u l’asturianu esixe:<\/p>\n
Quiciabes nun tea de m\u00e1s facer alcordanza de c\u00f3mo s’enxerta nos Estatutos d’Autonom\u00eda de les comunidaes billing\u00fces del Est\u00e1u la reconocencia de la oficialid\u00e1 de la llingua propia. Enantes ye conveniente dicir que’l encontu llegal d’esos estatutos no tocante a la oficialid\u00e1 de les lling\u00fces ta na Constituci\u00f3n Espa\u00f1ola (1978) que, am\u00e1s de reconocer el calter plurilling\u00fce y pluricultural del Est\u00e1u, diz nel art\u00edculu 3:<\/p>\n
Deamos una g\u00fceyada agora a la redaici\u00f3n de los distintos Estatutos d’Autonom\u00eda:<\/p>\n
De Catalu\u00f1a (Art. 3):<\/strong><\/p>\n De Valencia (Art. 7):<\/strong><\/p>\n De Baleares (Art. 3):<\/strong><\/p>\n La llingua catalana propia de les Islles Baleares tendr\u00e1, xunto cola castellana, el calter d’idioma oficial, y toos tienen el derechu a conocela y a emplegala. Naide podr\u00e1 ser discrimin\u00e1u por mor del idioma.<\/p>\n Del Pa\u00eds Vascu (Art. 6):<\/strong><\/p>\n De Navarra (Llei d’Integraci\u00f3n y Ameyoramientu del R\u00e9xime Foral de Navarra) (Art. 9):<\/strong><\/p>\n De Galicia (Art.5):<\/strong><\/p>\n Ye nidio qu’a cualesquier d’estes redaiciones se-y podr\u00eda dar el preste pal casu de la llingua asturiana. Sicas\u00ed, seya una d’estes o non la redaici\u00f3n escoyida, nella han inxerise estos puntos b\u00e1sicos ya irrenunciables nos que s’axunten los Estatutos:<\/p>\n Ha entendese que lo equ\u00ed afitao val a tolos efeutos pal gallego-asturianu dientro del so territoriu.<\/p>\n Asina se fizo nes otres comunidaes billing\u00fces del Est\u00e1u. Nel Pa\u00eds Vascu, en 1982, cola Llei de normalizaci\u00f3n del usu del euskera; en Catalu\u00f1a, en 1983, cola Llei de Normalizaci\u00f3n Lling\u00fc\u00edstica, anovada dempu\u00e9s, en 1998, cola Llei de Pol\u00edtica Lling\u00fc\u00edstica; en Galicia, en 1983, cola Llei de Normalizaci\u00f3n Lling\u00fc\u00edstica; en Valencia, en 1983, cola Llei d’usu y ense\u00f1anza del valencianu; en Baleares, en 1986, cola Llei de Normalizaci\u00f3n Lling\u00fc\u00edstica; en Navarra, en 1986, cola Llei Foral del vascuence.<\/p>\n L’oxetivu d’estes lleis ye desendolcar los Estatutos d’Autonom\u00eda pa defender y dar puxu a la llingua propia. Toes elles traten, como nun pue ser otramiente, tr\u00e9s temes que son los finxos pelos que s’ha empobinar cualesquier pol\u00edtica de normalizaci\u00f3n medianamente seria: la llingua na Alministraci\u00f3n P\u00fablica, la llingua na Ense\u00f1anza y la llingua nos medios de comunicaci\u00f3n y nes producciones culturales.<\/p>\n Y<\/p>\n Nun se trata, en definitiva, d’otro que de normalizar la vida social y cultural n’Asturies o, lo que ye lo mesmo, de que los asturianos puedan, podamos exercer dafechu los derechos democr\u00e1ticos de nueso*.<\/p>\n * Esti testu recueye’l documentu institucional lle\u00edu pola Presidenta de l’Academia de la Llingua Asturiana’l d\u00eda 30 de setiembre nel actu celebr\u00e1u nel “Club de Prensa Asturiana”, onde la’Academia, representada pola citada Presidenta, el so Vicepresidente y el so Secretariu, punxo na conocencia p\u00fablica’l so asitiamientu oficial no tocante a la declaraci\u00f3n d’Oficialid\u00e1 de la Llingua Asturiana na posible igua del Estatutu d’Autonom\u00eda.<\/p><\/blockquote>\n\n
\n
\n
\n
\n
\n
\n
\n