Les Normes Ortográfiques son el resultáu del llabor normativu entamáu en 1981, acabante acoyer l’Academia de la Llingua Asturiana aquel encamientu estatutariu pel que les fuerces polítiques la empobinaben a protexer l’idioma. De magar entós la escritura asturiana foi averándose, adulces, al modelu de llingua que facíen tresllucir les normes y qu’enxamás quixo contraponese a la bayura d’estilos que llibremente podíen encaxase nelli.

Dos finxos llendaron el facer normativu: d’un llau, el respetu al trabayu fechu y a la realidá llingüística; d’otru, l’apueste pola llibertá si asina s’afitaba una sienda amañosa pal idioma.

Ediciones de les Normes Ortográfiques:

• Primer edición, Academia de la Llingua Asturiana, 1981.
• Segunda edición, Academia de la Llingua Asturiana, 1985.
• Amestadures (I), Academia de la Llingua Asturiana, 1987.
• Amestadures (II), Academia de la Llingua Asturiana, 1988.
• Conxugación de verbos asturianos, Academia de la Llingua Asturiana, 1989.
• Tercer edición, Academia de la Llingua Asturiana, 1989.
• Tercer edición correxida, Academia de la Llingua Asturiana, 1990.
• Cuarta edición, Academia de la Llingua Asturiana, 1993.
• Cuarta edición revisada, Academia de la Llingua Asturiana, 1996.
• Quinta edición, Academia de la Llingua Asturiana, 2000.
• Sesta edición revisada, Academia de la Llingua Asturiana, 2005.
• Séptima edición revisada, Academia de la Llingua Asturiana, 2012.