El númberu 29 de la revista Cultures presenta los trabayos que resultaron de les ponencies y conferencies que se pudieron escuchar nel Congresu Mundial de Cultura Asturiana (CMCA), celebráu nel mes de febreru del 2025. La bayura de los artículos recoyíos nes más de 500 páxines d’esti volume primeru refléxase nes estayes «Discursos d’identidá, autenticidá y patrimoniu», «Cuestiones de sociollingüística» y «Ciudá y mundu global» qu’atropen contribuciones d’autores internacionales y qu’ayuden a echar la buelga pal futuru de la investigación antropolóxica asturiana.