UABRA
La Universidá Asturiana de Branu (UABRA) ye un espaciu d’enseñu llingüísticu intensivu. Nél, l’Academia -en collaboración cola Universidá d’Uviéu y los conceyos qu’acueyen la programación presencial- ufierta dellos cursos, xebraos en tres categoríes:
- Formación Llingüística Básica, de dos selmanes de duración: cursos elemental y avanzáu de llingua asturiana.
- Capacitación Docente n’Eonaviegu, de dos selmanes duración y periodización biañal: los años pares desendólcase’l primer nivel y los años impares el segundu y el terceru.
- C ursos d’Afondamientu Cultural y Llingüísticu, d’una selmana de duración, dedicaos a meteries perestremaes: mediu natural, patrimoniu, música, deporte, traducción…
Amás, estos Cursos tienen, pal personal docente de Primaria y Secundaria d’Asturies, la reconocencia oficial de la Conseyería d’Educación del Principáu d’Asturies, darréu de l’acreitación de l’Academia como «Entidá Organizadora d’Actividaes de Formación Permanente del Profesoráu».
- Direición: Mª Cristina Valdés Rodríguez
- Secretaría: Xosé Ramón Iglesias Cueva
- Direición Xeneral: Pablo Xuan Manzano Rodríguez
Anguaño ta activu’l conveniu tetrañal robláu ente la Universidá d’Uviéu, el Conceyu de Cangas del Narcea y l’Academia de la Llingua Asturiana’l 13 de marzu de 2020.
El Conceyu d’El Franco acoyó la Capacitación Docente n’Eonaviegu y delles actividaes complementaries de la UABRA nos branos de 2021 y 2022.
Viniente
UABRA 2023
Planificación n’ellaboración: la ufierta definitiva asoleyaráse n’abril de 2023.
ACTIVIDAES CURRICULARES
Capacitación Docente n’Eonaviegu o Gallego-Asturianu
Segunda Fase. Doce díes de duración. Feches y sitiu ensin confirmar
Terceira Fase. A distancia (de setiembre a payares de 2023)
Formación Llingüística Básica
Cursu Elemental de Llingua Asturiana. Feches y sitiu ensin confirmar
Cursu Avanzáu de Llingua Asturiana. Feches y sitiu ensin confirmar
Cursos d’Afondamientu Cultural y Llingüísticu. Ufierta, feches y sitiu ensin confirmar
ACTIVIDAES COMPLEMENTARIES
Pendientes de programación
Anterior
UABRA 2022
ACTIVIDAES CURRICULARES
Capacitación Docente n’Eonaviegu o Gallego-Asturianu. Realizóse n’A Caridá, del 1 al 12 d’agostu de 2022.
- Primeira Fase
Certificación del cursu al cargu de la Secretaría Llingüística del Navia-Eo (ALLA). Podrá recoyese na Academia dende’l 1 de setiembre, n’horariu d’oficina.
Certificación de creitos de formación del profesoráu al cargu de la Conseyería d’Educación. El resguardu correspondiente podrá recoyese na Academia en cuantes la Conseyería notifique l’acreitación (prevista pa ochobre de 2022). Recomendámos-y confirmar los horarios d’oficina de l’Academia y la disponibilidá de los resguardos.
Formación Llingüística Básica. Realizóse en llinia, del 18 al 30 de xunetu de 2022
Cursu Elemental de Llingua Asturiana
Cursu Avanzáu de Llingua Asturiana
Certificación de los cursos al cargu de la Universidá d’Uviéu al traviés del corréu electrónicu UO. Teléfonu del Vicerrectoráu d’Estensión Universitaria: 985 10 49 10.
Certificación de creitos de formación del profesoráu al cargu de la Conseyería d’Educación. El resguardu correspondiente podrá recoyese na Academia en cuantes la Conseyería notifique l’acreitación (prevista pa ochobre de 2022). Recomendámos-y confirmar los horarios d’oficina de l’Academia y la disponibilidá de los resguardos.
Cursos d’Afondamientu Cultural y Llingüísticu. Realizáronse en llinia, del 18 al 23 de xunetu de 2022
Capacitación pa la traducción al asturianu
Certificación d’esti cursu al cargu de la Universidá d’Uviéu al traviés del corréu electrónicu UO. Teléfonu del Vicerrectoráu d’Estensión Universitaria: 985 10 49 10.
Certificación de creitos de formación del profesoráu al cargu de la Conseyería d’Educación. El resguardu correspondiente podrá recoyese na Academia en cuantes la Conseyería notifique l’acreitación (prevista pa ochobre de 2022). Recomendámos-y confirmar los horarios d’oficina de l’Academia y la disponibilidá de los resguardos.
ACTIVIDAES COMPLEMENTARIES
Conferencia “Condicionamentos y valías paisaxísticas del Navia-Eo”, de Benxamín Méndez. Presentóse n’A Caridá’l 3 d’agostu de 2022.
Conferencia “Prantiamento metodolóxico y primeiros resultaos da comisión lexicográfica del diccionario normativo d’eonaviego”, de Carmen Siñeriz y Natalia Riego. Presentóse n’A Caridá’l 10 d’agostu de 2022.
Nosotros
L’Academia de la Llingua Asturiana ye la institución creada en 1980 pol Gobiernu d’Asturies pal estudiu, la promoción y la defensa del asturianu y l’eonaviegu.
Copyright © 2023 | Avisu llegal y política de privacidá