Como parte de la reconocencia que se-y fai esti a\u00f1u a Lourdes \u00c1lvarez, que va recoyer el III Premiu Nacional de Lliteratura Asturiana nel actu del D\u00eda de les Lletres Asturianes esti vienres 5, nel Teatru Campoamor, l\u2019ALLA prepar\u00f3 una pieza audiovisual col env\u00eds d\u2019homenaxala y esparder el so llabor.<\/p>\n
El documental \u201cLourdes \u00c1lvarez. Premiu Nacional de Lliteratura Asturiana 2023\u201d ye una pieza curtia na qu\u2019otros escritores y espertos conocedores de la obra de la poeta d\u2019Urbi\u00e9s, percuerren los caminos de la so poes\u00eda, analizando la so carrera, les caracter\u00edstiques de la so po\u00e9tica y otros elementos como\u2019l so compromisu col asturianu.<\/p>\n
Ente los escritores que participen nel documental t\u00e1n los dos Premios Nacionales anteriores, Xuan Bello y Xuan Xos\u00e9 S\u00e1nchez Vicente, asina como Marta Mori, Roberto Gonz\u00e1lez Quevedo, Esther Prieto y l\u2019espertu en lliteratura asturiana Xos\u00e9 Ram\u00f3n Iglesias Cueva.<\/p>\n
Parte de la m\u00fasica del documental ye obra d\u2019Anabel Santiago, artista cola que tien collaborao en delles ocasiones Lourdes \u00c1lvarez, poniendo lletra a dalgunos cantares. Na pieza recu\u00e9yense tami\u00e9n semeyes de la vida personal y como escritora de l\u2019autora.<\/p>\n
El documental, que va tar disponible na canal de Youtube de l\u2019ALLA\u2019l mesmu D\u00eda de les Lletres Asturianes, va preestrenase esti martes, d\u00eda 2, a les diez y media de la ma\u00f1ana, con una proyeici\u00f3n nel llar de l\u2019Academia a la que ta previsto qu\u2019asista la so protagonista, Lourdes \u00c1lvarez.
\n