Dientro del so plan de dixitalización, l’Academia de la Llingua Asturiana (ALLA) quier dar anuncia de la so intención de desaniciar, pasu ente pasu, les sos comunicaciones informatives en papel. Asina, nos meses vinientes, les convocatories y otres anuncies que la institución venía faciendo per corréu postal van dir treslladándose al corréu electrónicu.

Al traviés d’esti formulariu, que tamién pue atopase na portada de la páxina web institucional, l’ALLA quier recoyer les direiciones de corréu electrónicu de toles persones interesaes en lleer la información institucional y confirmar o actualizar les de la xente que yá taba recibiendo les comunicaciones de l’Academia.