L’Academia sigue col ciclu «Alcuentros na ALLA» cola expresidenta de la institución, Ana María Cano González

El 15 d’ochobre de 2025, a les 19:30 h, el llar de l’Academia de la Llingua Asturiana acueye a la expresidenta de la institución y caderalga emérita de filoloxía románica de la Universidá d’Uviéu, Ana María Cano González. Nesta segunda edición de los «Alcuentros na ALLA», la protagonista va falar del llabor filolóxicu de la institución pa, dempués, tener un espaciu d’alderique col públicu sobre’l trabayu y la esperencia d’esa estaya fundamental na institución.

Estos Alcuentros busquen abrir l’Academia a la comunidá, espardiendo y desplicando d’una manera más específica y personal el llabor históricu y de futuru de la institución y de los sos integrantes. Tienen una frecuencia trimestral y el llugar d’alcuentru ye’l propiu llar de la institución.

L’accesu ye llibre hasta completar l’aforu de 30 persones