L’ALLA espubliza «La medecina de Xuan y dellos versos d’Esfoyón»

L’Academia de la Llingua Asturiana espubliza’l númberu 99 de la coleición Cartafueyos de lliteratura escaecida: «La medecina de Xuan y dellos versos d’Esfoyón».

El volume recupera la obra teatral «La medecina de Xuan» y los versos finales de «Esfoyón», de Paulina Ciaño (La Villa, 1869 – San Xuan de Puertu Ricu, 1926). La edición, introducción y notes d’Iván Cuevas reconstruyen la biografía y la producción lliteraria d’esta autora, venceyada a la emigración americana, y asitien la obra nel contestu de la época. El llibru incluye una versión anotada de la pieza teatral, la reproducción facsimilar de la edición orixinal y un anexu colos versos conservaos d’Esfoyón.

Esta obra ameritó'l primer premiu nos concursos d'investigación del 2025.