Nesti númberu de la coleición Cartafueyos de lliteratura escaecida  asoleyamos poemes inéditos de Padre Galo, tamién conocíu como Fernán-Coronas (1884-1939). Esti cartafueyu cuenta con catorce manuscritos, escritos ente 1932 y 1934, que provienen del archivu priváu de don Modesto González Cobas y del archivu particular de don Germán Fernández Rodríguez. Esta edición, iguada por Adrián Martínez Expósito, foi ganadora del Concursu «Xosé Bolado» de recoyida de material lliterario inédito anterior a 1970.