N’Uviéu, del 9 al 11 de payares
Les Xornaes Internacionales d’Estudiu de l’Academia de la Llingua Asturiana vuelven llueu del parón pandémicu. La Facultá de Filosofía y Lletres de la Universidá d’Uviéu acueye tres díes d’actividaes académiques, ponencies, comunicaciones y presentaciones que, en xunto, faen bona amuesa del trabayu d’investigación llingüística n’estayes bien estremaes.
Agora que’l Presidente Barbón acaba d’entamar el procesu de reforma del Estatutu d’Autonomía d’Asturies de 1981 pa incluyir la oficialidá del asturianu y del eonaviegu, ye especialmente oportuno tener en cuenta que’l marcu xurídicu nel que se recueyen los derechos llingüísticos de la ciudadanía afítase nel Títulu Preliminar de la Constitución Española. D’esti mou, el so artículu 3.2 ye inequívocu: «las demás lenguas españolas serán también oficiales en las respectivas Comunidades Autónomas de acuerdo con sus Estatutos».
En Serviciu d’Audiovisuales de la Universidá d’Uviéu retresmitió en direuto y per Youtube l’actu entamáu pola ALLA. La grabación ta agora disponible nel enllaz que vien darréu.
Este xoves 15 de xuyín, ás 7 da tarde, el centro cultural As Quintas da Caridá vei acoyer a presentación del Avance de Resultaos da III Encuesta Sociollingüística del Navia-Eo. Este trabayo, dirixido pol sociólogo Francisco Llera Ramo, describe a situación sociollingüística d’esta zona d’Asturias y as demandas de política llingüística da súa población. A comparación col anterior estudio, desarroyao fai 20 años, amostra a evolución d’estas cuestióis nun espacio temporal ben llargo. Continue reading “Presentación na Caridá del Avance de Resultaos da III Encuesta Sociollingüística del Navia-Eo”
Editáu pola Universidá d’Uviéu y l’Academia de la Lingua Asturiana, acaba d’asoleyase’l volume VI del Diccionariu Etimolóxicu de la Llingua Asturiana (DELLA), de Xosé Lluis García Arias. Con esti volume zárrense los conteníos léxicográficos d’esta obra, de tanta importancia ya interés pa la llingua asturiana. La publicación del della entamó en 2017 col asoleyamientu del volume I (A-B), al que siguiríen, en 2018 y 2019 respeutivamente, los tomos II (C-D) y III (E-F). Los volúmenes IV (G-Ñ), V (O-R) y VI (S-Z) editáronse toos en 2021.
La serie completaráse con una última entrega, en preparación yá nestos momentos, Diccionariu de la Llingua Asturiana. Apéndiz. Índices y Bibliografía, que l’ALLA tien previsto dar a la imprenta nesti mesmu añu de 2021.
