«Lletres Asturianes» asoleya'l so númberu 135
Nesti númberu, la revista espubliza seis trabayos d’investigación qu’amuesen la diversidá temática y metodolóxica de los estudios sobre les llingües y la cultura d’Asturies. Los artículos traten cuestiones de sensibilidá intercultural y formación del profesoráu, lliteratura comparada y autotraducción, traductoloxía, fenómenos gramaticales, metafonía y distinciones nominales y léxicu y etimoloxía del dominiu asturianolleonés.
La seición «D’otramiente» completa esti percorríu con una contribución sobre traducción lliteraria, mentes que «Reseñes bibliográfiques» presenta una obra coleutiva dedicada a la llingüística románica. El volume inclúi amás les seiciones de «Notes y anuncies» y «Llibrería Asturiana», y asoleya les nueves «Normes d'espublizamientu» y «Polítiques editoriales y ética de publicación de la revista» de la publicación.
Consúlta'l númberu completu equí: https://reunido.uniovi.es/index.php/Lletres/issue/view/1581