El próximu martes, 28 de febreru, a les 12 h, nel llar de l’Academia de la Llingua Asturiana (c/ L’Águila, 10), va presentase’l resultáu d’un estudiu  sociollingüísticu que toma como referencia’l conocimientu real del asturianu na población urbano de les 3 ciudaes más importantes d’Asturies: Uviéu, Xixón y Avilés.

Trátase d’una investigación complexa ya inédita, darréu que, más allá de la opinión de la xente, ta centrada nel análisis del nivel d’habilidá llingüística de la población adulto nos noyos urbanos más importantes d’Asturies. El gran interés de los resultaos ruempe, dende llueu, cola creyencia, enxamás demostrada, de que’l conocimientu del asturianu taba arrequexáu nos contestos más rurales y aisllaos d’Asturies. Les implicaciones del estudiu resulten evidentes a la hora de plantegar una política llingüística rigurosa, realista y axustada a la real situación sociollingüística de la nuesa comunidá.

Na presentación van participar Xosé Antón González Riaño (Presidente de l’Academia de la Llingua Asturiana) y Francisco Llera Ramo (Caderalgu de Socioloxía y autor del informe).