¡Bon 2022!
Inscripción abierta pa les XXXIX Xornaes Internacionales d’Estudiu
N’Uviéu, del 9 al 11 de payares
Les Xornaes Internacionales d’Estudiu de l’Academia de la Llingua Asturiana vuelven llueu del parón pandémicu. La Facultá de Filosofía y Lletres de la Universidá d’Uviéu acueye tres díes d’actividaes académiques, ponencies, comunicaciones y presentaciones que, en xunto, faen bona amuesa del trabayu d’investigación llingüística n’estayes bien estremaes.
L’ALLA fai un llamáu a los partíos constitucionalistes pa que sofiten, acordies col marcu llegal vixente, la oficialidá de les llingües d’Asturies
Agora que’l Presidente Barbón acaba d’entamar el procesu de reforma del Estatutu d’Autonomía d’Asturies de 1981 pa incluyir la oficialidá del asturianu y del eonaviegu, ye especialmente oportuno tener en cuenta que’l marcu xurídicu nel que se recueyen los derechos llingüísticos de la ciudadanía afítase nel Títulu Preliminar de la Constitución Española. D’esti mou, el so artículu 3.2 ye inequívocu: «las demás lenguas españolas serán también oficiales en las respectivas Comunidades Autónomas de acuerdo con sus Estatutos».
Videu del actu d’homenaxe a Ana Cano
En Serviciu d’Audiovisuales de la Universidá d’Uviéu retresmitió en direuto y per Youtube l’actu entamáu pola ALLA. La grabación ta agora disponible nel enllaz que vien darréu.
Presentación na Caridá del Avance de Resultaos da III Encuesta Sociollingüística del Navia-Eo
Este xoves 15 de xuyín, ás 7 da tarde, el centro cultural As Quintas da Caridá vei acoyer a presentación del Avance de Resultaos da III Encuesta Sociollingüística del Navia-Eo. Este trabayo, dirixido pol sociólogo Francisco Llera Ramo, describe a situación sociollingüística d’esta zona d’Asturias y as demandas de política llingüística da súa población. A comparación col anterior estudio, desarroyao fai 20 años, amostra a evolución d’estas cuestióis nun espacio temporal ben llargo. Continue reading “Presentación na Caridá del Avance de Resultaos da III Encuesta Sociollingüística del Navia-Eo”