Category: News

Posted on

L’Academia de la Llingua Asturiana y el Conceyu de Xixón roblen un conveniu nuevu

El testu afita la collaboración na normalización social del asturianu y l’asesoramientu llingüísticu de l’Academia al Conceyu

Dambes instituciones emprincipiaren la llexislatura con un alcuentru ente los sos máximos representantes onde pudieron repasase y valorase los últimos avances na normalización social del asturianu dientro de l’aición del Conceyu. Naquella mesma ocasión, estudiárense delles propuestes pa desendolcar a lo llargo del ciclu políticu actual y apautárense les bases del documentu que ta acabante de zarrar el so procesu de tramitación. Continue reading “L’Academia de la Llingua Asturiana y el Conceyu de Xixón roblen un conveniu nuevu”

Posted on

L’ALLA recueye’l llabor de 40 años nuna nueva publicación

Güei, 15 d’avientu de 2020, cúmplense 40 años dende que se creare l’Academia de la Llingua Asturiana (ALLA) al traviés del Decretu 33/1980 de 15 d’avientu del Conseyu Rexonal d’Asturies –institución preautonómica asturiana–.

Por esti motivu, l’ALLA espubliza l’informe Academia de la Llingua Asturiana: 40 años de compromisu con Asturies y la so llingua nel que se recueye’l llabor que vieno faciendo la institución nestes cuatro décades en cumplimientu del so mandáu estatutariu; esto ye, la codificación ya investigación de la llingua asturiana, asina como’l papel tutelar de los derechos llingüísticos de los asturianos. Continue reading “L’ALLA recueye’l llabor de 40 años nuna nueva publicación”

Posted on

Cultures algama’l númberu 24 con un monográficu sobre lleendes y ayalgues

CULTURES. Revista Asturiana de Cultura anueva’l formatu de los artículos,  inxer seición de reseñes y fai alcordanza del antropólogu José Luis García

Tres del monográficu de la música (qu’ocupare los númberos 22 y 23), CULTURES. Revista Asturiana de Cultura, editada pola Academia de la Llingua, vuelve a la cai con otru volume temáticu, nesta ocasión dedicáu al campu d’investigación de les lleendes y les ayalgues. Tres del entamu, iguáu pol direutor de la revista, Roberto González-Quevedo, nueve contribuciones más dan cuerpu a la parte principal de la edición, toes elles con un formatu anováu qu’agora inxerta resúmenes y pallabres clave n’inglés. Continue reading “Cultures algama’l númberu 24 con un monográficu sobre lleendes y ayalgues”

Posted on

Los testos infantiles y xuveniles protagonicen el númberu 36 de Lliteratura

L’Academia de la Llingua Asturiana vien d’asoleyar el númberu 36 de la revista Lliteratura. Revista lliteraria asturiana correspondiente al añu 2020. Nesti númberu, de 173 páxines, baxo la direición de la escritora y académica Marta Mori, atopamos dos estayes de la revista claramente definíes y que bien podríen iguar dos númberos perfeutamente dixebraos: una primer estaya especial dedicada a la Lliteratura Infantil y Xuvenil (LLIX) y una segunda estaya que coincide colos conteníos habituales de la revista. A lo llargo de les sos páxines combínase la creación lliteraria, l’ensayu y la crítica; y les voces nueves apaecen xunto a voces yá consagraes. Esti exemplar pue valir al empar d’amuesa del llabor lliterariu de güei y como material pal aula no que cinca a la Lliteratura Infantil y Xuvenil. Continue reading “Los testos infantiles y xuveniles protagonicen el númberu 36 de Lliteratura”