biblioteca


La biblioteca de l’ALLA ye un espaciu pal estudiu llingüísticu especializáu del asturianu y l’eonaviegu. A esti fondu filolóxicu, amiéstase-y una coleición, cola mesma vocación de totalidá, de les lliteratures feches n’asturianu y n’eonaviegu y, yá como complementu necesariu, un apartáu d’estudios sociales y culturales d’Asturies. Poro, ye una biblioteca especializada n’asturianística, n’espoxigue y revisión constantes. Complementariamente, tamién recueye obres filolóxiques de referencia y dalgunos títulos lliterarios y socioculturales n’otres llingües y sobre otres realidaes llingüístiques.

La compra sistemática de novedaes y obres d’interés y les donaciones d’autores y coleicionistes son les fontes qu’alimenten esta biblioteca. Asina, pol volume y la calidá de la coleición, l’Academia quixo distinguir col so propiu emblema’l «Llegáu Martín Sevilla», una esbilla d’obres que la familia del desapaecíu profesor Martín Sevilla Rodríguez donó a l’Academia de la Llingua Asturiana col envís de ponela al algame d’estudiosos y públicu en xeneral.

Serviciu de consulta de la biblioteca

L’Academia de la Llingua Asturiana pon la biblioteca a disposición del públicu siempre con cita y n’horariu d’apertura del llar. Pue consultase tol fondu.

Información a distancia

Tamién pue consultase la esistencia y disponibilidá de les obres per teléfonu y corréu electrónicu.

Últimes donaciones

  • Jésus Jerónimo Rodríguez González. Carlos Gonzále de Posada (1745-1831). Biografía breve. Madrid, 2022. Donación de Jesús Jerónimo Rodríguez González.
  • María Márquez. L’impermeable d’Aurora. Barcelona, 2020. Donación de Mari Luz Pontón.
  • Pepe Monteserín. La Praviana de Madrid. Pravia 2015. Donación d’Inaciu Galán.
  • Roberto González-Quevedo. Las monxas candongas de Zamora ya los flaires l.libertinos. Asturies, 2022. Donación de Roberto González-Quevedo.
  • Muyeres casines. Dos sieglos n’alcordanza. Casu, 2010. Donación del Ayuntamientu de Casu.
  • Enrique Carballeira. Lesya ye un nome d’estrella. Asturies, 2022. Donación d’Enrique Carballeira.
  • Enrique Carballeira. Cuentos de trazu sueltu. Asturies, 2019. Donación d’Enrique Carballeira.
  • Enrique Carballeira. Les aventures de l’ablanera. Asturies, 2022. Donación d’Enriqu Caballeira.
  • RIDEA. Colección diplomática del monasterio de Santa María de Villanueva de Oscos II (1301-1500). Uviéu, 2022. Donación del RIDEA.
  • Marta Mori. Notes de lliteratura asturiana. Uviéu, 2022. Donación de Marta Mori.

Allugamientu

Cai l’Águila, 10

33003, Uviéu

Asturies

Teléfonu

+34 985 21 18 37

Alministración: estensión 1

Edición y biblioteca: estensión 2

Unvios postales

Apartáu de correos 574

33080, Uviéu 

Asturies

Nós

L’Academia de la Llingua Asturiana ye la institución creada en 1980 pol Gobiernu d’Asturies pal estudiu, la promoción y la defensa del asturianu y l’eonaviegu.