Prueba de conocencia

L’Academia de la Llingua Asturiana, sabiendo’l fondu interés de munches persones en llograr que se reconoza la so conocencia de la llingua, vien faciendo dos convocatories añales onde evaluala. Con ella, les persones qu’algamen un resultáu de «aptu/a» van poder certificar, según el sistema formativu de la institución, el nivel llingüísticu elemental d’asturianu.

CONVOCATORIES DEL AÑU 2024

L’añu 2024 va tener dos convocatories, una en xineru y una en mayu.


Primer convocatoria

 

Sábadu, 27 de xineru de 2024. Llamamientu a les 9.50 h, empiezu de la prueba a les 10 h. Ta prevista una duración total de, aproximao, 2 hores.

La matrícula ta abierta hasta’l 24 del mesmu mes al traviés d’esti enllaz: https://forms.office.com/e/uAmniECPVC

Más información nel teléfonu 985 21 18 37 y n’informacion@alladixital.org.


  • Van poder matriculase na prueba les persones que tengan como mínimo dieciséis años o vayan facelos nel añu 2024.

  • A les persones declaraes aptes, l’Academia dará-yos un certificáu dixital onde s’afite la conocencia nel nivel 1 o básicu según los calces siguíos por esta Institución.


  • Les persones que nun superen les pruebes del nivel 1 podrán presentase a nueves convocatories toles vegaes que quieran.


  • La prueba va tener dos partes:
Parte 1
Comprensión escrita

2 actividaes

10 puntos

25 minutos

Espresión escrita

1 actividá

25 puntos

20 minutos

Comprensión oral

2 actividaes

20 puntos

20 minutos

Usu del asturianu

3 actividaes

20 puntos

25 minutos

Parte 2*
Espresión oral

2 actividaes

25 puntos

15 minutos

Espresión 

TOTAL

100 puntos

1 hora 45 minutos

*Pa la parte 2 (espresión oral) ye necesario que cada persona prepare un tema a esponer el mesmu día del esame nos primeros 5 minutos de la prueba. Esti tema ye de llibre eleición.

Pal bon resultáu en dambes partes habrá tenese un dominiu básicu de les estayes que vienen darréu:


ESTAYA LLINGÜÍSTICA

  1. Teoría gramatical: conocencia y dominiu del funcionamientu gramatical del asturianu y de la normativa académica.
  2. Práutica escrita: emplegu amañosu de la llingua, puestu en práutica gracies a exercicios gramaticales y de composición escrita.
  3. Práutica oral: emplegu faláu de la llingua, nuna situación real o imaxinaria, que se va valorar nuna conversación colos miembros del xuráu calificador.

ESTAYA DE LLINGUA Y SOCIEDÁ

Conocencia del allugamientu de la llingua dientro de la sociedá asturiana y del procesu de normalización en que ta inxerta.

Material:

Pa conocer les xeneralidaes gramaticales de la llingua asturiana y los aspeutos básicos de la so ortografía, encamiéntase la llectura de les Normes ortográfiques (2021, 8ª edición) y de la Gramática de la Llingua Asturiana (2008, 3er reimpresión). Coles mesmes, aconséyase la llectura de testos fechos acordies cola normativa, como los asoleyaos por esta Academia.

Modelu de la prueba

Exemplu Prueba de Conocencia
Audiu actividá 1 – comprensión oral
Audiu actividá 2 – comprensión oral
ANTERIOR

Allugamientu

Cai l’Águila, 10

33003, Uviéu

Asturies

Mapa

Teléfonu

+34 985 21 18 37

Alministración: estensión 1

Edición y biblioteca: estensión 2

Llamada

Unvios postales

Apartáu de correos 574

33080, Uviéu 

Asturies

Mensaxe direutu

Nós

L’Academia de la Llingua Asturiana ye la institución creada en 1980 pol Gobiernu d’Asturies pal estudiu, la promoción y la defensa del asturianu y l’eonaviegu.