Día de les Lletres Asturianes


Dende la so creación, l’Academia de la Llingua Asturiana vien celebrando añalmente, el primer vienres del mes de mayu, el Día de les Lletres Asturianes, actu oficial públicu onde se fai homenax y vindicación de la llingua asturiana per aciu de la so manifestación lliteraria. Nél tien llugar una xunta estraordinaria de la institución cola acoyida de nuevos académicos y el discursu presidencial.

Tolos primeros vienres de mayu, l’Academia de la Llingua Asturiana celebra’l Día de les Lletres Asturianes. Nes tres primeres ediciones foi una actividá inxerta na Selmana de les Lletres Asturianes, pasando a facese en 1984 como un actu autónomu de la institución, solemne y abiertu a la sociedá asturiana. 

El Día de les Lletres Asturianes fai homenaxe y reivindica l’asturianu y l’eonaviegu al traviés d’una ceremonia qu’amiesta’l calter institucional coles manifestaciones artístiques. Asina, d’un llau, esti actu acueye una Xunta Estraordinaria de l’ALLA, onde se dan anuncia y oficialicen los nomamientos de los nuevos miembros de l’Academia o dalgunes otres distinciones, como’l Premiu Nacional de Lliteratura, de frecuencia triañal. D’otru llau, nel discursu presidencial analízase l’añu académicu –l’actualidá llingüística nos sos términos científicos, socioculturales y políticos–. Arriendes de too ello, l’arte, davezu la música y la lliteratura, completa’l programa del Día de les Lletres Asturianes.

Discursu del Presidente de l’ALLA, Xosé Antón González Riaño, nel XIII Día de les Lletres (2022), cortesía de RTPA.

VINIENTE

XLIV Día de les Lletres Asturianes

5 de mayu de 2023

PAsaos

Día de les Lletres Asturianes

2020-Actualidá

Día de les Lletres Asturianes

2010-2019

Día de les Lletres Asturianes

2000-2009

Día de les Lletres Asturianes

1990-1999

Día de les Lletres Asturianes

1983-1989

Allugamientu

Cai l’Águila, 10

33003, Uviéu

Asturies

Teléfonu

+34 985 21 18 37

Alministración: estensión 1

Edición y biblioteca: estensión 2

Unvios postales

Apartáu de correos 574

33080, Uviéu 

Asturies

Nós

L’Academia de la Llingua Asturiana ye la institución creada en 1980 pol Gobiernu d’Asturies pal estudiu, la promoción y la defensa del asturianu y l’eonaviegu.