Presentación del llibro «Llambisques» d’Aurora Bermúdez Nava
Los exercicios d’estilu de Raymond Queneau, traducíos al asturianu
La coleición Llibrería Académica medra hasta’l so númberu 50 cola traducción de la perconocida obra Exercicios d’estilu de Raymond Queneau.
L’autora de la traducción, Pilar Fidalgo Pravia, fadrá la presentación del llibru el miércoles 6 de payares, a les 18:15 h, dientro de les Xornaes Internacionales d’Estudiu, que se celebren nel salón d’actos del edificiu d’Alministración de la Facultá de Filosofía y Lletres de la Universidá d’Uviéu.
Consulta más información sobre la obra nel enllaz que sigue darréu: https://alladixital.org/productu/exercicios-destilu/
Presentación del llibru “Tres romances de Asturias de Oviedo” n’Urbiés
El próximu sábadu 12 d’ochobre, nel llugar d’Urbiés (Mieres), preséntase’l llibru “Tres romances de Asturias de Oviedo” nel marcu del Cuartu Centenariu de Diego Suárez d’Urbiés.
A les 17:20 h, los académicos Claudia Elena Menéndez Fernández y Xosé Ramón Iglesias Cueva van presentar los estudios llingüísticu y lliterariu qu’acompanguen a esta edición facsimilar. Espublízase esta obra per primer vez dende que s’asoleyó l’orixinal nel sieglu XVII (1607) y que tanto trabayu-y llevó sacar alantre a Diego Suárez d’Urbiés.
Consulta EQUÍ tol programa d’actividaes
XLII Xornaes Internacionales d’Estudiu (2024)
XLII Xornaes Internacionales d’Estudiu
5, 6 y 7 de payares de 2024.
Salón d’actos del edificiu d’alministración (2ª planta)
de la Facultá de Filosofía y Lletres
de la Universidá d’Uviéu.
¡Inscríbite equí!: https://forms.office.com/e/TmWn0AnTZb
“Llambisques”, novo llibro d’Aurora Bermúdez prá colección Os llibros d’Entrambasauguas
A maestra y escritora Aurora Bermúdez volve á poesía infantil con este volume, que fai el númaro 21 d’Os llibros d’Entrambasauguas. Llambisques é úa colección de textos que, seguindo el calendario, de setembre a agosto, aporta úa perspectiva vitalista unde a observación da naturaleza, el xogo y as festas son dalgúas das constantes.
El llibro, escrito cua naturalidá llingüística, a espresividá y a musicalidá propias d’úa autora xa esperimentada na lliteratura infantil y nel cultivo da poesía, tamén cunta cua impronta pedagóxica que caracteriza a Aurora Bermúdez Nava, úa das precursoras na enseñanza del eonaviego.
[Consulta a información del llibro calcando aquí]