PROGRAMA D'ALFABETIZACIÓN P'ADULTOS
Noyos ye un métodu d’alfabetización n’asturianu que garra’l Marco Común Européu de Referencia pa les Llingües como base pa graduar los diferentes niveles. Dende un puntu de vista comunicativu, al traviés del trabayu de les comunicaciones y de les espresiones orales y escrites, esti proyeutu quier abarcar los niveles elementales (A1 y A2), medios (B1 y B2) y superiores (C1 y C2).
CURSU A1-A2 (Presencial)
Esti cursu ta empobináu a les persones que quieran tener un averamientu elemental (A1-A2) a la llingua asturiana.
Feches: del 7 d'ochobre al 11 d'avientu de 2025
Horariu: martes y xueves, de 17 a 20 h
Llugar: Llar de l'Academia de la Llingua Asturiana (C/Águila, 10 - Uviéu)
Preciu: 150 € (inclúi materiales y matrícula na Prueba de Conocencia)
Matrícula: del 15 al 30 de setiembre de 2025
Carga llectiva: 100 h (60 h presenciales y 40 h d'autoestudiu)
Númberu de places: 20
Requisitos d'entrada: nengún
Créditos de formación del profesoráu: sí
Al acabar el cursu fadráse una prueba de nivel que correspuende cola Prueba de Conocencia de la Llingua Asturiana. Con ella, les persones qu'algamen un resultáu de «aptu/a» van poder certificar, según el sistema formativu de la institución, el nivel llingüísticu elemental d’asturianu.
L'Academia de la Llingua Asturiana ta abierta a collaboración con toa asociación, institución o organización al traviés del métodu d'alfabetización Noyos. Si quies poner clas d'asturianu con esti manual, escribi a documentacion@alladixital.org pa recibir más información.
Nós
L'Academia de la Llingua Asturiana ye la institución creada en 1980 pol Gobiernu d'Asturies pal estudiu, la promoción y la defensa del asturianu y l’eonaviegu.
Copyright © 2024 | Avisu llegal y política de privacidá | Informe de tresparencia