El llunes 9 de payares, a les 19 h, preséntase na Biblioteca «Ramón Pérez de Ayala» d’Uviéu’l númberu 29 de «Cultures». Editáu pola ALLA en dos volúmenes, recueye les contribuciones del Congresu Mundial de Cultura Asturiana (2025), con más de mil páxines d’estudios.

Nuna edición que mira p’alantre ensin desvenceyase de la so historia, el XLIV Congresu Internacional de Filoloxía y Cultura Asturianes (#CIFCA) recoyó’l testigu de les Xornaes Internacionales d’Estudiu y axuntó n’El Milán a investigadores d’instituciones internacionales.

El piesllu institucional del XLIV #CIFCA pon fin a trés xornaes d’investigación y alderique sobre la filoloxía y la cultura asturianes. La clausura cierra una edición marcada pola diversidá de les investigaciones presentaes y l’intercambéu científicu ente especialistes.

La investigación de PatRom n’Asturies ye l’oxetu de la mesa redonda que pieslla la sesión científica del XLIV #CIFCA. Participen Ramiro Javier Barcia López, Loreto Díaz Suárez, Xulio Viejo Fernández y Susana Villa Basalo, cola moderación d’Ana María Cano González.