El Congresu Mundial de Cultura Asturiana (CMCA25) remató cubriendo un programa de 24 hores d’actividá académica al traviés d’una esposición, siete conferencies, 55 conencies y dos actos protocolarios d’inauguración y clausura. Amás d’una importante representación política y sociocultural del país, pel CMCA25 pasaron 170 congresistes y munches otres persones qu’asistieron llibremente a los actos programaos.

Nun foru encadarmáu dende l’antropoloxía, pero converxente en metodoloxíes y visiones sociales, trabayóse una bayura de problemátiques: alredor de la minorización cultural y llingüística; de les periferies del primer mundu nel contestu global; del desaniciu y la resistencia cultural. Too ello, dende tan estremaes como’l mundu rural, la familia y el parentescu, los procesos d’identidá, el patrimoniu, el paisax, la tradición oral, la ciudá, la cultura espresiva, la pertenencia al Arcu Atlánticu, la educación o’l xéneru.

De la que s’editen los volúmenes especiales de Cultures. Revista Asturiana de Cultura nos que va recoyese l’actividá del CMCA25, esta web fai agora d’estoxu onde atopar información escrito y audiovisual en rellación colo vivío nel Edificiu Históricu de la Universidá d’Uviéu ente los díes 4 y 7 de febreru del 2025. Munches gracies a tol mundu que lo fixo posible.

El Comité Organizador

CONFERENCIANTES

Laurent Fournier (Université Côte d'Azur, CV), Gwyneira Isaac (Smithsonian Institute, CV), Mónica Lacarrieu (Universidad de Buenos Aires, CV), Susana Markendorf (Universidad de Buenos Aires, CV), Paz Moreno (Universidad Nacional de Educación a Distancia, CV), María Jesús Ruiz Fernández (Universidad de Cádiz, CV), Martha Judith Sánchez (Univ. Nacional Autónoma de México, CV).