Nuna edición que mira p’alantre ensin desvenceyase de la so historia, el XLIV Congresu Internacional de Filoloxía y Cultura Asturianes (#CIFCA) recoyó’l testigu de les Xornaes Internacionales d’Estudiu y axuntó n’El Milán a investigadores d’instituciones internacionales.
El piesllu institucional del XLIV #CIFCA pon fin a trés xornaes d’investigación y alderique sobre la filoloxía y la cultura asturianes. La clausura cierra una edición marcada pola diversidá de les investigaciones presentaes y l’intercambéu científicu ente especialistes.
La investigación de PatRom n’Asturies ye l’oxetu de la mesa redonda que pieslla la sesión científica del XLIV #CIFCA. Participen Ramiro Javier Barcia López, Loreto Díaz Suárez, Xulio Viejo Fernández y Susana Villa Basalo, cola moderación d’Ana María Cano González.
Ana María Cano González (Universidá d’Uviéu y ALLA) intervién nel XLIV #CIFCA con «HISPĀNIA, HISPĀNUS, *HISPĀNIOLUS nel contestu de PatRom». La conferencia inxértase na tradición de la investigación antroponímica desarrollada n’Asturies, venceyada al proyeutu dende’l 1991.