La publicación pue consultase en:
Páxina web de l’ALLA: https://lletresasturianes.alladixital.org/index.php…
«Lletres Asturianes» asoleya’l so númberu 129
«Lletres Asturianes» asoleya’l so númberu 129
La publicación pue consultase en:
Páxina web de l’ALLA: https://lletresasturianes.alladixital.org/index.php…
David Guardado, nuevu vicepresidente de l’Academia de la Llingua Asturiana (ALLA)
Llueu de la renuncia de Marta Mori, l’Academia zarró ayeri’l correspondiente procesu eleutoral pa facer definitiva la sustitución nel cargu. Asina, d’alcuerdu colos artículos 19.3 y 19.4 de los sos estatutos, el plenariu de l’ALLA llevó a votación la única candidatura presentada. D’esti xeitu, l’académicu xixonés David Guardado foi escoyíu nel cargu de vicepresidente, inxiriéndose nel organigrama de la Xunta de Gobiernu que va tar vixente hasta xunu del añu 2025 y que, en resultes, queda d’esta miente, conforme al artículu 18.1:
Xosé Antón González Riaño, Presidente
David Guardado Diez, Vicepresidente
Xosé Ramón Iglesias Cueva, Secretariu
Carmen Muñiz Cachón, Vicesecretaria
Carlos Lastra López, Ayalgueru
David Guardado, nuevu vicepresidente de l’Academia de la Llingua Asturiana (ALLA)
Llueu de la renuncia de Marta Mori, l’Academia zarró ayeri’l correspondiente procesu eleutoral pa facer definitiva la sustitución nel cargu. Asina, d’alcuerdu colos artículos 19.3 y 19.4 de los sos estatutos, el plenariu de l’ALLA llevó a votación la única candidatura presentada. D’esti xeitu, l’académicu xixonés David Guardado foi escoyíu nel cargu de vicepresidente, inxiriéndose nel organigrama de la Xunta de Gobiernu que va tar vixente hasta xunu del añu 2025 y que, en resultes, queda d’esta miente, conforme al artículu 18.1:
Xosé Antón González Riaño, Presidente
David Guardado Diez, Vicepresidente
Xosé Ramón Iglesias Cueva, Secretariu
Carmen Muñiz Cachón, Vicesecretaria
Carlos Lastra López, Ayalgueru
L’Academia Valenciana de la Llengua (AVL) y l’Academia de la Llingua Asturiana (ALLA) alcuéntrense n’Uviéu y tracen llinies de collaboración
La Junta de Govern de l’AVL, formada pola presidenta Verònica Cantó, el vicepresidente Rafael Ramos, la secretaria Inmaculada Cerdà y los vocales M. Àngles Francés y Artur Ahuir, visitó la selmana pasada’l llar de l’ALLA, onde foi recibida por cuatro miembros de la Xunta de Gobiernu de l’ALLA: el presidente Xosé Antón González Riaño, el secretariu Xosé Ramón Iglesias Cueva y l’ayalgueru Carlos Lastra López, actuando Ana M. Cano González como vicepresidenta en funciones.
A lo llargo de más de dos hores d’alcuentru, dambes instituciones pudieron conocer les singularidaes y los numberosos puntos de conexón nes sos xeres académiques, l’estáu de desenvolvimientu de la filoloxía y les polítiques llingüístiques en cada comunidá y les posibilidaes de confluyencia futura, d’alcuerdu coles esperiencies y les ferramientes que caúna de les academies punxo al algame de la otra. Arriendes d’ello, la presidenta Verònica Cantó ufrió-y a l’ALLA una escelente edición facsimilar del Llibre dels feits del rei en Jaume, asoleyáu pola Academia Valenciana.
Nesti sen de collaboración, surdieron los tres primeros compromisos interinstucionales: l’asistencia de l’AVL al Día de les Lletres Asturianes de 2024, l’intercambéu de les publicaciones futures de los sos servicios editoriales y la recoyida de les principales víes d’afondamientu nel trabayu acomuñáu, nun conveniu qu’ha roblase nos meses vinientes.