El próximu sábadu 12 d’ochobre, nel llugar d’Urbiés (Mieres), preséntase’l llibru “Tres romances de Asturias de Oviedo” nel marcu del Cuartu Centenariu de Diego Suárez d’Urbiés.

A les 17:20 h, los académicos Claudia Elena Menéndez Fernández y Xosé Ramón Iglesias Cueva van presentar los estudios llingüísticu y lliterariu qu’acompanguen a esta edición facsimilar. Espublízase esta obra per primer vez dende que s’asoleyó l’orixinal nel sieglu XVII (1607) y que tanto trabayu-y llevó sacar alantre a Diego Suárez d’Urbiés.

Consulta EQUÍ tol programa d’actividaes

XLII Xornaes Internacionales d’Estudiu

5, 6 y 7 de payares de 2024.

Salón d’actos del edificiu d’alministración (2ª planta)
de la Facultá de Filosofía y Lletres
de la Universidá d’Uviéu.

¡Inscríbite equí!: https://forms.office.com/e/TmWn0AnTZb

A maestra y escritora Aurora Bermúdez volve á poesía infantil con este volume, que fai el númaro 21 d’Os llibros d’Entrambasauguas. Llambisques é úa colección de textos que, seguindo el calendario, de setembre a agosto, aporta úa perspectiva vitalista unde a observación da naturaleza, el xogo y as festas son dalgúas das constantes.

El llibro, escrito cua naturalidá llingüística, a espresividá y a musicalidá propias d’úa autora xa esperimentada na lliteratura infantil y nel cultivo da poesía, tamén cunta cua impronta pedagóxica que caracteriza a Aurora Bermúdez Nava, úa das precursoras na enseñanza del eonaviego.

[Consulta a información del llibro calcando aquí]

 

L’Academia de la Llingua Asturiana quier seleicionar pa la so secretaría téunica un profesional con esperiencia nel ámbitu del diseñu editorial n’asturianu y/o n’eonaviegu y nel ámbitu de la comunicación y la publicidá.

[DESCARGUE EQUÍ LA INFORMACIÓN SOBRE’L PROCESU]

[DESCARGUE EQUÍ’L MODELU DE CANDIDATURA]

[DESCARGUE EQUÍ LA RESOLUCIÓN DEFINITIVA]

 

 

Consulta’l manifiestu completu equí.