Asoléyase’l númberu 134 de la revista Lletres Asturianes

Asoléyase’l númberu 134 de la revista Lletres Asturianes

El númberu 134 de Lletres Asturianes (LLAA), correspondiente al mes de marzu del añu 2026, agospia artículos d’estudios eminentemente romanistes, ente los que se faen análisis y comparances sobre toponimia asturiana, estudios de sufixos y aspeutos fonéticos y fonolóxicos. Estes contribuciones, de gran valir, faen por enanchar el corpus de la publicación y de los estudios sobre la llingua y la lliteratura asturianes.

Resume de conteníos:

Trabayos d’investigación

    • Dende l’Ástura hasta la mar: entrar n’Asturies al traviés de la toponimia, Xulio Viejo Fernández
    • Afinidades entre la toponimia asturiana y la aragonesa, Javier Giralt Latorre
    • Resultados del latín SURSUM, con SUB, en la toponimia hispánica, Jairo Javier García Sánchez
    • Origen de los sufijos -deru y -dera del asturiano, Franz Rainer
    • De la dérivation verbale à la dérivation adjectivale : évolution du suffixe proto-roman */ˈ-or-e/ dans les idiomes romans, Hugo Carbonnelle
    • Examen del ensordecimiento de consonantes oclusivas sonoras postnasales en asturiano, César Gutiérrez

D’otramiente

    • ­«Casamentu civil sin sacramentu», un testu n’asturianu de finales del sieglu XIX nel periódicu de Badajoz El Avisador, Xuan Xosé Sánchez Vicente & Lluis Ánxel Núñez Enríquez
    • Cincuenta años del Nuevu Canciu Astur. Los pioneros de la Nueva Música Asturiana, Carlos Rubiera Tuya

Reseñes bibliográfiques

    • ­Miscelánea lexicográfica salmantina: una relectura de los precursores. Riesco-Chueca, P. (2025). Salamanca: Centro de Estudios Salmantinos; Centro de Estudios Mirobrigenses, 812 pp., Emilio Nieto Ballester

Consulta’l númberu completo equí: https://reunido.uniovi.es/index.php/Lletres/index

L’ALLA celebra la final de la Olimpiada Escolar de Redaición «Urbano Rodríguez»

L’ALLA celebra la final de la Olimpiada Escolar de Redaición «Urbano Rodríguez»

La final de la Olimpiada de Redaición «Urbano Rodríguez» contó, esta mañana, cola participación de les escueles ya institutos de Grau, Casu, Bual, Llugones, Ḷḷuarca, Les Arriondes y Cangas del Narcea. Cuasi una ventena de finalistes amosaron les sos competencies llingüístiques n’asturianu y eonaviegu siguiendo les normes de la prueba.
Na categoría de Primaria, el primer premiu foi pa Xana García y el segundu pa Daniel Fernández. Na de Secundaria y Bachilleratu, el primer premiu llevólu Pelayo Marcos y el segundu Lena Cancio.
¡Norabona y munches gracies a los participantes, profesores y centros!

Asoléyase’l númberu 146 de la coleición Toponimia

Asoléyase’l númberu 146 de la coleición Toponimia

Matilde Fernández Álvarez recueye nesti volume la toponimia mayor y menor de les parroquies de La Foz, San Esteban y Santolaya, en Morcín.

Esti ye’l primer toponimia del conceyu asoleyáu nesta coleición.

Xa ta na caye el séptimo númaro de Bidureira: «Péndula», de Natalia Riego Arredondas

Xa ta na caye el séptimo númaro de Bidureira: Péndula, de Natalia Riego Arredondas

A autora presenta a súa poesía como forza vital y sanadora, como mecanismo que tresforma a rabia en arte pra siguir nel vaivén da vida. Núa obra intensa y honesta, dibuxa un ciclo emocional de resistencia y autoconocemento, unde a poesía é motor qu’honra as reices, confronta el dolor y renova a forza pra siguir, como fain as péndulas, abalanciándose.

Consulta más información en: https://alladixital.org/productu/pendula/