Category: Anuncios

Asoléyase’l númberu 134 de la revista Lletres Asturianes

El númberu 134 de Lletres Asturianes (LLAA), correspondiente al mes de marzu del añu 2026, agospia artículos d’estudios eminentemente romanistes, ente los que se faen análisis y comparances sobre toponimia asturiana, estudios de sufixos y aspeutos fonéticos y fonolóxicos. Estes contribuciones, de gran valir, faen por enanchar el corpus de la publicación y de los estudios sobre la llingua y la lliteratura asturianes.

Resume de conteníos:

Trabayos d’investigación

• • Dende l’Ástura hasta la mar: entrar n’Asturies al traviés de la toponimia, Xulio Viejo Fernández
  • Afinidades entre la toponimia asturiana y la aragonesa, Javier Giralt Latorre
  • Resultados del latín SURSUM, con SUB, en la toponimia hispánica, Jairo Javier García Sánchez
  • Origen de los sufijos -deru y -dera del asturiano, Franz Rainer
  • De la dérivation verbale à la dérivation adjectivale : évolution du suffixe proto-roman */ˈ-or-e/ dans les idiomes romans, Hugo Carbonnelle
  • Examen del ensordecimiento de consonantes oclusivas sonoras postnasales en asturiano, César Gutiérrez

D’otramiente

• • ­«Casamentu civil sin sacramentu», un testu n’asturianu de finales del sieglu XIX nel periódicu de Badajoz El Avisador, Xuan Xosé Sánchez Vicente & Lluis Ánxel Núñez Enríquez
  • Cincuenta años del Nuevu Canciu Astur. Los pioneros de la Nueva Música Asturiana, Carlos Rubiera Tuya

Reseñes bibliográfiques

• • ­Miscelánea lexicográfica salmantina: una relectura de los precursores. Riesco-Chueca, P. (2025). Salamanca: Centro de Estudios Salmantinos; Centro de Estudios Mirobrigenses, 812 pp., Emilio Nieto Ballester

Consulta’l númberu completo equí: https://reunido.uniovi.es/index.php/Lletres/index

Asoléyase’l númberu 146 de la coleición Toponimia

Matilde Fernández Álvarez recueye nesti volume la toponimia mayor y menor de les parroquies de La Foz, San Esteban y Santolaya, en Morcín.

Esti ye’l primer toponimia del conceyu asoleyáu nesta coleición.

Xa ta na caye el séptimo númaro de Bidureira: Péndula, de Natalia Riego Arredondas

A autora presenta a súa poesía como forza vital y sanadora, como mecanismo que tresforma a rabia en arte pra siguir nel vaivén da vida. Núa obra intensa y honesta, dibuxa un ciclo emocional de resistencia y autoconocemento, unde a poesía é motor qu’honra as reices, confronta el dolor y renova a forza pra siguir, como fain as péndulas, abalanciándose.

Consulta más información en: https://alladixital.org/productu/pendula/

L’ALLA espubliza La cultura tradicional nos valles d’El Ríu de Trubia, segundu númberu de la coleición «Terrén»

La cultura tradicional nos valles d’El Ríu de Trubia ufierta xunta y reeditada la obra que, sobre’l dominiu territorial de los conceyos de Proaza, Quirós y Teberga vieno ufiertándo-y a l’Academia de la Llingua Asturiana un collaborador lleal y sollerte: Antonio Alonso de la Torre García. Les contribuciones equí compendiaes espublizáronse ente los años 1997 y 2020 dientro de Cultures: Revista Asturiana de Cultura (númberos 7 a 24). Trátase d’artículos onde’l focu varia ente la escala de llugar o parroquia y la de conceyu, carauterística del autor que permite matizar muncho’l so trabayu de campu.

Alonso de la Torre García ye maestru, espertu en llingua asturiana, llicenciáu n’historia y doctor n’historia del arte. La so vida llaboral desendolcóse primero como maestru d’escuela y depués como profesor d’institutu. Sicasí, la xera docente enxamás torgó la so dedicación al estudiu cultural de la contorna que meyor conoz, la qu’altraviesa El Ríu de Trubia nel so camín dende los cumales a l’amestadura con El Ríu Nalón. Amás de les obres equí recoyíes, ye importante sorrayar la so aportación a la coleición académica Testos de Recoyida oral col volume Dichos, cuentos ya otres narraciones recoyíes en Villamexín y al atropu toponímicu intensivu de la zona, siendo l’autor de dellos volúmenes correspondientes al conceyu de Proaza, asoleyaos n’otra coleición de la casa: Toponimia.

Consulta más información sobre la obra equí: https://alladixital.org/productu/la-cultura-tradicional-nos-valles-del-riu-de-trubia/