El XLV Día das Lletras Asturianas va celebrarse el 3 de mayo, ás 19 h, nel Teatro Campoamor con entrada llibre al público.
Diseño: Sergio Llunik
XLV Día das Lletras Asturianas
XLV Día das Lletras Asturianas
El XLV Día das Lletras Asturianas va celebrarse el 3 de mayo, ás 19 h, nel Teatro Campoamor con entrada llibre al público.
Diseño: Sergio Llunik
XLV Día de les Lletres Asturianes
El XLV Día de les Lletres Asturianes va celebrase’l 3 de mayu, a les 19 h, nel Teatru Campoamor con entrada llibre al públicu.
Diseñu: Sergio Llunik
Llaviana acueye la presentación del primer númberu de Terrén, obra de Vicente R. Hevia
L’actu va celebrase esti vienres 5 d’abril, a les 19 h, nel CIDAN de La Pola Llaviana.
La coleición Terrén echa a andar con La cultura tradicional en Llaviana, volume que recueye, en cuatro capítulos, una parte de la estensa obra del académicu correspondiente Vicente Rodríguez Hevia, asoleyada a lo llargo los años nes publicaciones periódiques de l’Academia de la Llingua Asturiana (ALLA).
Conformen estos testos un corpus pernecesariu pal entendimientu cultural, social, económicu y territorial del conceyu de Llaviana y reconocen al autor llavianés nel so llabor investigador. Nesti volume trátense los temes rellacionaos col espaciu cultural tradicional: los periodos de la güerta y la collecha, l’usu del horru como’l foru del pueblu, la toponimia menor, etc. A ello amiéstase un repasu históricu del aprovechamientu de recursos del ríu y el monte y una descripción de les celebraciones del conceyu Llaviana.
Na presentación del llibru ta prevista la participación de representantes de la corporación llavianesa, del presidente de l’ALLA, Xosé Antón González Riaño, y del direutor de la coleición Terrén, Roberto González-Quevedo; amás de l’asistencia de dalgunes de les máximes autoridaes polítiques del Principáu y del Conceyu. L’actu, nel CIDAN de La Pola Llaviana, ta programáu pa les 7 de la tarde d’esti vienres, 5 d’abril, con empiezu y remate de música tradicional.
Uviéu, 3 d’abril del 2024
Terrén, la nueva coleición etnolóxica de l’ALLA
L’Academia estrena Terrén, una nueva coleición que va atropar los trabayos de calter etnolóxicu llendaos a un territoriu xeográficu específicu firmaos pola mesma persona y que se tienen asoleyao a lo llargo los años nes estremaes publicaciones de la institución.
D’esta miente, abre la coleición Vicente Rodríguez Hevia con La cultura tradicional en Llaviana. En cuatro capítulos, conformen estos testos un corpus pernecesariu pal entendimientu cultural, social, económicu y territorial del conceyu de Llaviana y reconocen al autor d’El Condao nel so llabor investigador. Nesti volume trátense los temes rellacionaos col espaciu cultural tradicional: los periodos de la güerta y la collecha, l’usu del horru como’l foru del pueblu, la toponimia menor, etc. A ello amiéstase un repasu históricu del aprovechamientu de los recursos del ríu y el monte y una descripción de les celebraciones del conceyu Llaviana.
Consulta’l llibru nel catálogu de l’ALLA: https://alladixital.org/productu/la-cultura-tradicional-en-llaviana/