Author: admin

Posted on

Asoléyase la obra «Xéneru sociedá ya historia nos nomes de llugar: una güeyada panhispánica»

Asoléyase la obra «Xéneru sociedá ya historia nos nomes de llugar: una güeyada panhispánica»

La Universidá d’Uviéu, a comuña cola Academia de la Llingua Asturiana, asoleya Xéneru sociedá ya historia nos nomes de llugar: una güeyada panhispánica, un volume cordináu pola Académica Ana María Cano González y el profesor Toribio Fuente Cornejo que recueye los trabayos presentaos nel IV Congreso ToponHip celebráu n’Uviéu los díes 18-20 de payares del 2024.

Equí pues descargar el PDF del llibru: https://alladixital.org/productu/xeneru-socieda-ya-historia-nos-nomes-de-llugar-una-gueyada-panhispanica/

Posted on

Presentación de «Cantares d’amor y guerra»

Presentación de «Cantares d’amor y guerra»

El xueves 2 d’ochobre, a les 19:00 h, preséntase’l llibru «Cantares d’amor y guerra», de Gaspar García Laviana, na Biblioteca Municipal de L’Entregu.

Nel actu van intervenir Lourdes Álvarez García, autora de la traducción; Jesús Manuel Álvarez Álvarez, Presidente de l’Asociación pola Memoria de Gaspar García Laviana; Pablo Rodríguez Medina, Académicu de l’ALLA, y José Ramón Martín Ardines, Alcalde de Samartín del Rei Aurelio.

Posted on

Presentación del númberu 145 de la coleición Toponimia

Presentación del númberu 145 de la coleición Toponimia

El sábadu 27 de setiembre, a les 18:00 h, preséntase’l númberu 145 de la coleición Toponimia, la parroquia de Rales (Villaviciosa), de Xavier Cayao Valdés.

L’actu, que se va celebrar nel mesmu llugar de Rales, va cuntar cola presencia del Académicu Pablo Rodríguez Medina y va consistir nun percorríu pel pueblu presentando los topónimos más reseñables que se recueyen na obra.

Al traviés d’esta actividá, investigadores y habitantes de la parroquia ponen en común un trabayu necesariu pal caltenimientu xeográficu y cultural del patrimoniu toponímicu asturianu. D’esta miente, el trabayu académicu tien un reflexu direutu y un impautu positivu na normalización, la reconocencia y l’usu de la toponimia tradicional mayor y menor, esta última en mayor riesgu de desapaición.

Nun perdáis d’asistir a esti actu que va formar parte de les fiestes parroquiales.

Posted on

Matrícula abierta pal cursu d’asturianu p’adultos Noyos A1-A2

Les persones interesaes puen matriculase del 15 al 30 de setiembre de 2025

Esti cursu, empobináu a les persones que quieran tener un averamientu elemental (A1-A2) a la llingua asturiana, va impartise nel llar de l’Academia los martes y xueves del 7 d’ochobre al 11 d’avientu de 2025 n’horariu de 17 a 20 h. Tien una duración de 100 hores llectives, dividíes en 60 presenciales y 40 d’autoestudiu al traviés d’una plataforma dixital que da accesu a actividaes complementaries y material audiovisual específico del programa.

El preciu, de 150 euros, inclúi materiales y la inscripción na Prueba de Conocencia de la Llingua Asturiana.

Pues apuntate equí: https://alladixital.org/programa-noyos/